По налог на Обвинителството за организиран криминал во просториите на Фондот за иновации и технолошки развој од вчера влезена е полицијата а во врска со последната одлука на институцијата за доделување неповратни средства од буџетот за македонските компании.

По објавите во дел од медиумите за можни евентуални злоупотреби при доделување на грантови по јавен повик од Фондот за иновации и технолошки развој, Основното јавно обвинителство за гонење на организиран криминал и корупција оформи предмет по допрен глас.

Од обвинителството тогаш соопштија дека преземаат дејства за утврдување на факти во предметот, а во врска со евентуални сторени кривични дела во постапката по јавен повик за финансирање проекти во рамки на третиот столб од Планот за економски раст – прв инвестициски бран.

Од ОЈО велат дека се работи за предистражна постапка и не можат да даваат повеќе информации.