Министерството за внатрешни работи регистрира седумстотини и еден прекршок во текот на изминатото деноноќие по однос на мерката за неносење лична заштита на лице.

Од таму апелираат до граѓаните да ги почитуваат мерките и протоколите донесени од Владата со цел справување со Ковид-19.

Исто така на територија на град Скопје во текот на вчерашниот ден се изречени вкупно 339 санкции, меѓу кои 17 за возење без возачка дозвола , 140 за пречекорување на дозволената брзина на движење, 14 за нерегистрирани и технички неисправни возила и 33 за мотоциклисти.

Министерството за внатрешни работи (МВР) соопшти дека се изречени и 63 санкции за непрописно паркирани возила, 50 возила подигнати од пајак службата (вкупно 113)!

– Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот, се вели во соопштението на МВР.