Во болниците во Скопје моментално се лекуваат 21 пациент од кои по шест има на Клиничкиот центар и во болницата за хируршки болести „Св. Наум Охридски“, петмина се лекуваат во ГОБ „Осми септември“ и четворица во приватните клиники. Пет пациенти денеска заминуваат на домашно лекување, а се враќаат и двајца пациенти, од странство за нив, а и за сите останати кои ќе продолжат да се лекуваат во болниците во Македонија ќе се грижи мултидисциплинарен тим составен од пластичен хирург, психоло, токсиколог и интернист, рече министерот за здравство, Арбен Таравари.

Директорката на Клиниката за пластична хирургија д-р ЈАсмина Ѓорѓиевска Павловска нагласи дека пациентите кои се лекуваат во Македонија ги имаат сите услови и за нив важат истите процедури и третпани како и за сите кои се лекуваат во странство. Таа на пациентите кои заминале на домашно лекување им препорача да не се изложуваат на сонце.

Надвор од државата се 89 пациенти , но двајца денеска се враќаат од Литванија и Шведска. За утре нема најава за враќање на други пациенти од странство, но во понеделник, како што истакна Таравари, се очекува да се вратат уште пет.