По шпекулациите и одложувањето без објаснување на денешното продолжение на собраниската Седница за уставни измени, се огласи и пратеникот и поранешен министер за надворешни работи, Антонијо Милошоски од името на пратеничката група на ВМРО – ДПМНЕ.

Имено пратеникот од ВМРО – ДПМНЕ и коалицијата, Антонијо Милошоски на прес конференција во собранието јавно го повика претседателот на законодавниот дом да го стави на дневен ред гласањето за уставни измени.

Поминаа 19 дена откако граѓаните на референдум се изјаснија дека не прифаќаат проена на уставното име. 19 дена, власта го одолговлекува гласањето за да се врши притисок врз пратениците на ВМРО – ДПМНЕ и коалицијата За подобра Македонија.

Го повикувам господинот Талат Џафери да не одолговлекува и да ја стави точката на гласање, затоа што пратениците ја почитуваат вољата на народот и нема да потклекнат на притисоците. Власта нема 2/3 мнозинство. – рече Милошоски.