Си вработувал баџанци и комшии

Објавил: Македонка Димкин | 17 септември, 2022 12:52

Министерот Милевски ќе си поднесел оставка

Фото/Текст извор: ©А1он

Горан Милевски следната недела ќе ја напушти министерската фотелја во Министерството за локална самоуправа. Како што дознава „А1он“, одлуката е донесена уште минатата недела. Во ЛДП, партијата чиј претседател се уште е Милевски, веќе активно се водат разговори кој ќе биде негов наследник во локална самоуправа, но и во партијата.

Ваквата одлука на Милевски доаѓа неполн месец по истражувањата на „А1он“ за вработувањата на негови блиски луѓе и сопартијци во Министерството за локална самоуправа, како и ангажмани на швајцарски проекти, за суми кои стигнуваат и до 150.000 денари месечно. Се работи за баџанаци, другари, ученици на министерот Милевски кои добиле државни позиции, а други пак ангажмани на проекти за одржлив и рамномерен регионален развој. Милевски тогаш негираше дека станува збор за непотизам и дека ангажираните лица се бираат врз основа на квалитет и стручност, а не по партиска припадност.

И вработувањата и хонорарните ангажмани веќе ги истражувавицепремиерката задолжена за политики за добро владеење, Славица Грковска, која најави дека ќе побара конкретни податоци за овие лица од Министерството за локална самоуправа и самиот Милевски.

Инаку, се уште тече законскиот рок во кој „А1он“ официјално достави барање преку слободен пристап до информации од јавен карактер до Министерството, барајќи ги сите лица кои биле ангажирани на проекти преку Швајцарската амбасада од 2017 до 2022 година. Причината за тоа е што според информациите на „А1он“, во институцијата постојат и ангажмани кои се склучени преку агенција со авторски договори и нивните исплати не можат да се пронајдат на алатката „Отворени финансии“. За нив не е спроведен јавен оглас, туку институцијата само побарала заинтересираните кандидати да достават понуди, за кои самиот министер Милевски одлучувал кого ќе го одбере.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Претседателот на клубот Атанас Мазнев вели дек овој напад не е случаен, бидејќи претходно им се откажувале договорите за закуп, а проблем имаат и со сегашниот објект.

Во Охрид се отвора ново бугарско здружение, во Благоевград оштетен Македонскиот културен центар

Македонските клубови во Бугарија повторно се мета на вандали. Овој пат од македонскиот...