Нека го тргнат ова, нека ги тргнат овие 4 точки. Да биде европски патот, исто како за Албанија, Србија, Црна Гора, Хрватска, Бугарија кога стануваа членки. Не го тргнат ова, нека ги остават Копенхагеншките критериуми и нека ни ги остават критериумите кои се поврзани со процесот за стабилизација и асоцијација. Чуму потребата овој мал народ да се асимилира, кому му сметаме ние?

Објавил: Перо Милчин | 4 јули, 2022 6:55

Мицкоски: Продолжуваме со протестите додека не се тргнат деловите од предлогот кои го асимилираат македонскиот народ

Фото/Текст извор: ©магазин.мк

Имавме речиси едночасовна средба со премиерот Ковачевски. Средбата би рекол беше од информативен карактер на која што Ковачевски практично го презентираше сето она кое што изминативе денови го слушаме во јавноста.

Даде свое гледање на документите кои треба да ја дефинираат преговарачката рамка и записникот од меѓувладината конференција која евентуално би требало да се одржи.

На сметка на тоа јас дадов свое гледиште на текстот и врз основа на тоа  гледиште би ги изнесол следниве три заклучоци.

Прво ниту за мене лично, ниту пак за ВМРО-ДПМНЕ овие два документи вакви какви што се се прифатливи и ВМРО-ДПМНЕ, ниту јас лично имаме намера истите да ги прифатиме. И тоа е одлука не само на Христијан Мицкоски како претседател на ВМРО-ДПМНЕ, туку и на Извршниот комитет на ВМРО-ДПМНЕ.

Второ му понудив на Ковачевски да излезе и да го одбие ова кое што е доставено како предлог, а јас да се повлечам од барање за предвремени парламентарни избори. Да ги ставам сите капацитети на ВМРО-ДПМНЕ, институционални и да и помогнеме на владата во надминување на предизвиците коишто оваа зима ќе се појават пред нас. Тука пред се мислам  на безбедносни, енергетски, предизвици со храна, финансиски и така натаму. И на пролет кога ќе ја поминеме сите заедно оваа според мене, а и според многумина најтешка зима да седнеме и да направиме реавулација., репроценка на актуелната состојба. Само треба да го одбие и да рече не. Бидејќи ова не се преговори и ова не е преговарачка рамка со која што ние обезбедуваме европска иднина. Ова е преговарачка рамка со која што или се асимилираме и бугаризираме па така бидеме дел од ЕУ, или никогаш нема да бидеме дел од ЕУ.

Третата работа која што му ја понудив ако толку верува дека ова е навистина е така и обезбеден идентитет, тогаш најпрвин еве во делот од заклучоците од првата меѓувладина да бидат избришани членот 11 и членот 14. Членот 11 од записникот е член  кој детерминира дека Македонија нема да отпочне преговори се додека не го промени Уставот и нема да има преговарачка рамка, а членот 14 се повикува на Протоколот кој е дел од втората меѓувладина конференција помеѓу Македонија и Бугарија во кои се наоѓаат историските прашања, образовните, културните прашања, промената на учебниците и се она што изминативе денови како бугарска верзија можеше јавноста да го види. Тоа е тој Протокол, членот 14. Еве да ги избришат тие два члена.

А потоа во преговарачката рамка, тоа е вториот документ каде што имаме принципи на кои се водат преговорите да ги избришат следните два члена. Делот каде што се наоѓаат годишните прегледи, тоа е делот каде што се Копенхагеншките критериуми согласно процесот на стабилизација и асоцијација. Да го избришат делот каде што стојат годишните прегледи и да го избришат делот каде што се повикуваат на записникот од втората меѓувладина конференција. И тогаш заедно да излеземе и да ја поддржиме. Овие 4 работи нека ги избришат.

Нека ги направи Брисел, нека ги избрише овие делови и да седнеме да разговараме. Ако е така како што не убедуваат дека ова обезбедува европска иднина а не асимилиација на Македонија и македонскиот идентитет.

Ќе повторам три работи. Прва веднаш да каже не, подготвен сум да се повлечам од барањето за предвремени избори, од активната блокада во Парламентот и јас и ВМРО-ДПМНЕ ќе му ги ставиме сите ресурси на располагање и на владата, не мора ништо, про боно, само Македонија да ја помине оваа зима. На пролет ќе реавулираме.

Или нека ги избришат овие 4 елементи од записникот на меѓувладината и двете точки од преговарачката рамка. Повеќе од ова не  знам што може да направиме за да обезбедиме европска иднина на нашата Македонија и на граѓаните на Македонија.

Нека го тргнат ова, нека ги тргнат овие 4 точки. Да биде европски патот, исто како за Албанија, Србија, Црна Гора, Хрватска, Бугарија кога стануваа членки. Не го тргнат ова, нека ги остават Копенхагеншките критериуми и нека ни ги остават критериумите кои се поврзани со процесот за стабилизација и асоцијација. Чуму потребата овој мал народ да се асимилира, кому му сметаме ние?

Сосема на крај сакам  да се обратам до македонската јавност и македонските граѓани, се гледаме вечер во 19:00 часот пред платото  на Владата. Продолжуваме со протестот кој што мислиме дека во овој момент кога се брани македонскиот идентитет е= неопходен и дека сега молчењето не е опција, туку пркосот и борбата за македонскиот идентитет. За жал во 21 век Македонецот се уште се бори за својот македонски идентитет.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Најчитани вести

[jetpack_top_posts_widget title="" count="5" types="post" display="list"]

Останати вести од Вести

Судскиот совет работи нетранспарентно, судиите се избираат без почитување на ранг-листите и незаконски беше разрешена експретседателката Весна Дамева.

Со овие зборови судијката Мирјана Радевска-Стефкова ја образложи оставката на денешната седница, на која покрај нејзината, советот ја констатираше и оставката на судијата Зоран Герасимовски, кој рече идеолошките поделби со дел од членовите на советот се една од причините за оставката.

По прифаќањето на на оставките, советот формираше комисија за избор на нови членови на која за претседател го избра членот Ханиф Зендели. Токму Ханиф Зендели пак, на предлог на членот Ивица Николовски денеска беше избран за нов потпретседател, откако неговиот претходник Селим Адеми си поднесе оставка по контроверзното разрешување на Дамева. Со девет гласа за и еден против на чело на советот застануваат двајца судии, а новоизбраниот Зендели рече дека советот и во иднина треба да работи како поддршка за сите судии.

Оставките на Герасимовски и Радевска-Стефкова доаѓаат по во време кога холандскиот амбасадор во земјава го нарече советот нелигитимно тело, а претседателот Пендаровски изјави дека советот со овој состав се посрамотил во јавноста.

Советот изминатите месеци постојано е мета на скандали, па по контроверзното разрешување на Дамева следуваа бројни превирања, а неодамна и двајца членови на советот пријавија дека некој им претурал по работите во канцеларијата, инцидент за кој истрагата и натаму е во тек.

Ханиф Зендели избран за нов заменик претседател во Судскиот совет

Судскиот совет работи нетранспарентно, судиите се избираат без почитување на ранг-листите...

Министерот за здравство Фатмир Меџити денеска упати повик до разрешениот директор на Универзитетската клиника за државна кардиохирургија, проф. д-р Сашко Јовев да биде негов национален советник за кардиохирургија.

- Буџетот што го наследив, беше многу дефицитарен. Имаме барање од Кардиохирургија, претходно во разговор со професорот и други колеги и со ребалансот на буџетот сум подготвен да побарам да се зголеми тој буџет, со цел Клиниката за кардиохирургија и програмата за трансплантација да функционираат подобро и да ги зголемиме позитивните резултати и да им излеземе во пресрет на пациентите, додаде министерот.

Тој нагласи дека Јовев ќе продолжи да биде вработен во Клиниката и ќе ја има неговата поддршка во понатамошното работење.

На денешниот брифинг со новинарите, стручни лица разјаснуваа дилеми околу разрешувањето на Јовев, што предизвика реакции во јавноста.

Меџити беше прашан што ќе биде со економскиот директор.

- За организациониот директор, ние пративме инспекција, тоа ги вклучува и двата директора, тие имаат одговорности и заеднички и посебни. За првиот одлучивме, деновиве ќе излеземе и со одговор за вториот, организацискиот директор, појасни министерот.

На новинарско прашање за неговата заменичка, која не се согласувала со одлуката на министерот за смена на Јовев, Меџити одговори дека нема да коментира изјави на други лица.

На брифингот беше посочено и дека Јовев не е единствениот разрешен директор, откога Меџити е на функција министер.

- Имаше промени во многу други здравствени установи, на медицински директори, организациски, некои си поднесоа самите оставка, а други беа разрешени, додаде Меџити, истакнувајќи дека и во иднина секаде ќе има инспекции и ќе се постапува според закон.

Меџити во понеделникот го разреши Јовев од должноста директорот на Универзитетската клиника за државна кардиохирургија, поради како што изјави вчера „утврдени нерегуларности во работењето“, нагласувајќи дека нема политика во неговото разрешување.

Јовев од своја страна вчера побара преиспитување на одлуката за негово разрешување, истакнувајќи дека државната Клиника за кардиохирургија не се утврдени нерегуларности.

- Да ги оставиме професионалците да си ја вршат својата работа. Успесите на оваа Клиника се успеси на државата и на Министерството за здравство, порача Јовев.

Апасиев: Јовев е разрешен затоа што е Македонец

Во врска со разрешувањето на д-р Јовев од функцијата директор на Кардиохирургија, коментар...