Употребата на името Македонија и придавките македонски/македонско за економски цели е едно од прашањата кои останаа отворени и по Преспанскиот договор, ова го соопшти грчкиот премиер Мицотакис синоќа на саем во Солун. 

Мицотакис рече дека начелно е предвидено ниту една од земјите да нема ексклузивитет при нивната употреба, но деталите треба да ги договори меѓу државната комисија за трговски марки и стопанските комори од двете земји во следните три години,

„Апсолутен наш приоритет, за тоа многу пати имаме разговарано и со префектот, е заштита и зајакнување на македонските производи со формирање и меѓународно сертифицирање на еден колективен бренд за нив.

Ќе го заштитиме брендот ‘Македонија’, вистинската Македонија, автентичната Македонија и ќе го поддржиме со една голема комуникациска кампања. За производите, ова ќе ги наведува, веќе без сомнежи, нивниот квалитет и нивното потекло наспроти секој конкурент. Конкретниот модел успешно беше испробан и за производи од Крит и да им даде нов импулс на производите од Македонија на пазарите во странство“, вели Мицотакис.

Во 75-минутното обраќање на Мицотакис, тој акцентот го стави на развојот и економијата, како клучни за секој чекор на земјата.