Ноќеска младо момче од околу 29  години  починало откако бил донесен на скопските клиники каде што докторите констатирале дека има сепса. Според извори од клиниката, лекарите не успеале да го спасат.

Хирургот Ѕвонко Николовски кој го оперирал 29 -годишнито момче кое вчера починало  од компликации со сепса во изнајмена операциона сала во една приватна клиника во населбата Аеродром, е истиот хирург кој во 2007-та година бил правосилно осуден за земање мито од страна Основен Суд – Скопје 1, кога работел во Градската Општа Болница „Св. Наум Охридски“.

Хирургот Николовски има историја на земање мито за правење операции и во претходните години, но, за таквото дејствие се до 2007-та не бил осуден. По пресудата, кратко продолжува да работи во Градската Болница, а потоа се префрла во приватни поликлини и ординации на релација Скопје – Тетово.

Сепсата е состојба која многу сериозно го загрозува здравјето и понекогаш може да доведе до фаталeн исход. Пред 20-тина години дијагнозата сепса редовно означувала состојба на основната болест која го загрозува животот. Денес, тоа не секогаш е така сериозна состојба и тоа од едноставна причина – дијагнозата на сепса во поново време се поставува во рана фаза на болеста, што значи, почесто од порано. Тоа не е затоа што болеста е почеста, туку во минатото за прогласување на септична состојба кај пациентот се чекало да се развијат сите уверливи клинички знаци на сепса.

Денес, дијагнозата на сепса, односно сомнежот за септична состојба се поставува веќе при постоење на први знаци, а тоа е т.н. типична септична крива на температурата. Се работи за висока телесна температура над 38 степени која обично се појавува наеднаш во попладневните или вечерните часови, за да подоцна (со употреба на лекови за намалување на температурата или без нив), падне на нормални вредности.

Септичната температура е само прв знак за можна сепса, но таа никако не значи дека навистина сепса постои. Сепак, опишаната температура која секојдневно се повторува на два-три дена и повеќе, бара лекарска консултација.