Вечерва, со почеток во 20 часот, во Македонската опера и балет ќе се одржи традиционалниот концерт на млади пејачи во чест на “Коста Трпков“. 

На концертот ќе настапат студенти од класите на Славица Галиќ Петровска, Весна Ѓиновска Илкова, Марија Наумовска а во придружва на Оркестарот на Македонската опера и балет. Меѓу нив: Ана Михајлова, Шинаси Рамадани, Фросина Марковска, Билјана Ивановска, Емили Христоска, Јаврока Витанова, Полина Тасева, Влатко Груевски, Мартина Аврамовска и Магдалена Антиќ.

Концертот се реализира во соработка со Факултетот за музичка уметност во Скопје, а диригент е Иван Еминовиќ.