Како што пишува Лидер, Ристо Самарџиев ќе биде одговорен уредник на целата програма на телевизија Сител !

Објавил: admin@magazin | 30 март, 2019 18:33

Музичарот Ристо Самаџиев ја зеде “ФОТЕЉАТА „од Латас- тој ќе биде главен и одговорен уредник на телевизија Сител !

Фото/Текст извор: ©онлине / магазин

Познатиот музичар, Ристо Самарџиев, кој долги години работи во ТВ Сител, ќе го замени Драган Павловиќ – Латас на позицијата главен и одговорен уредник на телевизијата.

Како што пишува порталот Лидер, Ристо Самарџиев ќе биде одговорен уредник на целата програма на телевизија Сител !

Како главен уредник на информативната програма ќе биде поставена досегашната уредничка, Славица Арсова – Спасовски.
Славица Арсова е вработена во Сител, прво почна да работи како новинар на терен, а пред неколку години стана уредник, за сега да застане на чело на информативната програма.

Иван Кузманоски ќе биде нејзин заменик.

Ристо Самарџиев во 1993 компонира и ја пее фудбалската химна на репрезентацијата Црвена за која што вели дека му е најдрагиот успех во кариерата. Истата година повторно се враќа во рок група Меморија со кои го снимаат албумот 5 за кој велат дека е најдобриот албум на Меморија. Таа година Ристо Самарџиев е избран за пеач на годината. Активноста со групата Меморија трае до 1997 година кога Ристо учествува како комплетен автор и изведувач на песната Таму Кај Што Си на Макфест и ја добива Првата награда а песната станува Хит на годината и Ристо повторно станува пеач на годината.

Ристо Самарџиев е роден во 1964 на 17 август. Тој својата музичка кариера ја започнал кога имал само 16 години. Тој ја формирал групата Цилиндер во 1981 која била прва група во Македонија што го прифатила новиот бран како правец во Рок музиката.

Во групата членови беа Мики Димовски-сегашен тапанар во Архангел, Петар Ренџов-музичар кој сеуште активно се занимава со музика и др. Групата силно влијае на многу млади луѓе кои се занимаваа со музика тоа време. Во јуни истата година групата освојува прво место на ЗАЈАЧАРСКАТА ГИТАРИЈАДА – фестивал за рок групи кој што претставува силен рок фестивал тоа време.

Цилиндер на тој начин станува прва група Македонија која го освоила овој фестивал иако претходно учествувала групата Леб и Сол.

Со групата Цилиндер имал преку 150 концерти меѓу кои и концертите во Ниш, Загреб, Сараево, Нови Сад, Зеница и низ сите градови во Македонија.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Поврзани вести со оваа тема

Најчитани вести

[jetpack_top_posts_widget title="" count="5" types="post" display="list"]

Останати вести од Вести

Судскиот совет работи нетранспарентно, судиите се избираат без почитување на ранг-листите и незаконски беше разрешена експретседателката Весна Дамева.

Со овие зборови судијката Мирјана Радевска-Стефкова ја образложи оставката на денешната седница, на која покрај нејзината, советот ја констатираше и оставката на судијата Зоран Герасимовски, кој рече идеолошките поделби со дел од членовите на советот се една од причините за оставката.

По прифаќањето на на оставките, советот формираше комисија за избор на нови членови на која за претседател го избра членот Ханиф Зендели. Токму Ханиф Зендели пак, на предлог на членот Ивица Николовски денеска беше избран за нов потпретседател, откако неговиот претходник Селим Адеми си поднесе оставка по контроверзното разрешување на Дамева. Со девет гласа за и еден против на чело на советот застануваат двајца судии, а новоизбраниот Зендели рече дека советот и во иднина треба да работи како поддршка за сите судии.

Оставките на Герасимовски и Радевска-Стефкова доаѓаат по во време кога холандскиот амбасадор во земјава го нарече советот нелигитимно тело, а претседателот Пендаровски изјави дека советот со овој состав се посрамотил во јавноста.

Советот изминатите месеци постојано е мета на скандали, па по контроверзното разрешување на Дамева следуваа бројни превирања, а неодамна и двајца членови на советот пријавија дека некој им претурал по работите во канцеларијата, инцидент за кој истрагата и натаму е во тек.

Ханиф Зендели избран за нов заменик претседател во Судскиот совет

Судскиот совет работи нетранспарентно, судиите се избираат без почитување на ранг-листите...

Украина е воена лабораторија на НАТО.

Украина е воена лабораторија на НАТО

Во најавата на генералниот секретар на НАТО, Јенс Столтеберг, дека алијансата ќе ја...

Министерот за здравство Фатмир Меџити денеска упати повик до разрешениот директор на Универзитетската клиника за државна кардиохирургија, проф. д-р Сашко Јовев да биде негов национален советник за кардиохирургија.

- Буџетот што го наследив, беше многу дефицитарен. Имаме барање од Кардиохирургија, претходно во разговор со професорот и други колеги и со ребалансот на буџетот сум подготвен да побарам да се зголеми тој буџет, со цел Клиниката за кардиохирургија и програмата за трансплантација да функционираат подобро и да ги зголемиме позитивните резултати и да им излеземе во пресрет на пациентите, додаде министерот.

Тој нагласи дека Јовев ќе продолжи да биде вработен во Клиниката и ќе ја има неговата поддршка во понатамошното работење.

На денешниот брифинг со новинарите, стручни лица разјаснуваа дилеми околу разрешувањето на Јовев, што предизвика реакции во јавноста.

Меџити беше прашан што ќе биде со економскиот директор.

- За организациониот директор, ние пративме инспекција, тоа ги вклучува и двата директора, тие имаат одговорности и заеднички и посебни. За првиот одлучивме, деновиве ќе излеземе и со одговор за вториот, организацискиот директор, појасни министерот.

На новинарско прашање за неговата заменичка, која не се согласувала со одлуката на министерот за смена на Јовев, Меџити одговори дека нема да коментира изјави на други лица.

На брифингот беше посочено и дека Јовев не е единствениот разрешен директор, откога Меџити е на функција министер.

- Имаше промени во многу други здравствени установи, на медицински директори, организациски, некои си поднесоа самите оставка, а други беа разрешени, додаде Меџити, истакнувајќи дека и во иднина секаде ќе има инспекции и ќе се постапува според закон.

Меџити во понеделникот го разреши Јовев од должноста директорот на Универзитетската клиника за државна кардиохирургија, поради како што изјави вчера „утврдени нерегуларности во работењето“, нагласувајќи дека нема политика во неговото разрешување.

Јовев од своја страна вчера побара преиспитување на одлуката за негово разрешување, истакнувајќи дека државната Клиника за кардиохирургија не се утврдени нерегуларности.

- Да ги оставиме професионалците да си ја вршат својата работа. Успесите на оваа Клиника се успеси на државата и на Министерството за здравство, порача Јовев.