Васил ја изгуби битката со лошиот вирус во приватната клиника ,,Филип Втори” каде беше префрлен од Инфективна, по желба на семејството.

Објавил: Рејхан Бајрами | 24 октомври, 2020 12:20

МУЗИЧКАТА ЕСТРАДА СЕ ПРОСТУВА: Гевгелискиот музичар Васил Ангов почина од коронавирус

Фото/Текст извор: ©фокус

Веста дека познатиот музичар од Гевгелија, Васил Ангов (51) ја изгубил битката со корона вирусот, синоќа одекна во Гевгелија, но и пошироко. Музичарот кој со години наназад настапуваше во локали, но и на музички фестивали, познат по својата скромност, но и голема љубов кон музиката, само до пред неколку недели, односно до пред забраната за настапи во живо, пееше во локали во регионот.

За ,,Фокус” доктор Саше Олумчев од ЦЈЗ Гевгелија, појаснува дека Васил починал во приватна клиника во Скопје. Пред тоа се лекувал дома, но откако состојбата не одела на подобро, бил хоспитализиран.
 
Васил ја изгуби битката со лошиот вирус во приватната клиника ,,Филип Втори” каде беше префрлен од Инфективна, по желба на семејството.

Поради симптоми на вирусот, тој го направи првиот тест, а негативниот резултат пристигна на деветти октомври. Потоа имаше уште едно тестирање, резултатот повторно беше негативен. Дури третиот тест, покажа дека е позитивен на вирусот – вели докторот.

Додава дека музичарот имал хронична асма, а состојбата преку ноќ му се влошила.

-Се уште ги немаме официјално сите детали околу настанот, но ситуацијата е доста сериозна. Покрај Васил, уште две лица од Гевгелија синоќа ја изгубија битката со корона вирусот, и сите се отприлика на негова возраст. Лошо е, мора да се почитуваат мерките за заштита максимално. Поради некои кои грубо ги кршат мерките и не веруваат во вирусот, еве се случува луѓе кои се чувале, да заминат преку ноќ.

Не е доволно само ризичните групи да носат заштитна маска, мора и тие околу нив, само така заштитата е на повисоко ниво. Гледаме дека во целиот свет се шири вирусот со забрзано темпо, мора да бидеме совесни, да се престане со групирања, со престој во затворен простор без маски. Алармантно е, да сфати јавноста дека вирусот постои – изјави д-р Олумчев.

Васил кој беше популарен по клубските забави на кои настапуваше заедно со неговиот син, зад себе ги остави песните „Оди Адио”, „Кому да го дадам срцето”, „Премногу ти верував”, „Ти си ми сонце” и други.

Естрадата со емотивни објави на социјалните мрежи се простува од него.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од InMemoriam

Беше многу весела девојка, секогаш насмеана и му се радуваше на животот, вели Мартин Белчовски од селото Русиново, беровско, за својата сестра Верица, која на само 20 години го загуби животот, но нејзинот срце по синоќешната трансплантацијата почна да чука во друг млад живот.

(ФОТО)Ова е преубавата Верче, кое семејството ги донираше нејзините органи да се спасат други животи

Срцето и беше полно со живот, така ќе продолжи да чука – Која е Верче чие срце и бубрези...

Неговата работа започна како пионер во медиумски простор по осамостојувањето на Македонија. Радио „Канал 77“, кое годинава ја одбележува 30 годишнината од постоењето, започна со работа на 4 октомври 1991 година, како прв приватен комерцијален радиодифузер.

ПОЧИНА ГОРАН ГАВРИЛОВ, СОПСТВЕНИК НА НАЦИОНАЛНОТО РАДИО КАНАЛ 77

Вчера по кусо боледување почина Горан Гаврилов (54), основач и соственик на Радио Канал...

Немаше да биде покоен ако Интерното одделение од Болницата во Битола покажеше барем малку грижа и основна хуманост. Го однесовме на нозе, за 10 дена со амбуланта кола ни го дадоа едвај жив.

Потресно сведоштво на братот на музичарот Ице: Дали некогаш нешто ќе профункционира во Македонија?

Пред малку на фејзбук се огласи братот на почитаниот музичар Борче! Мојот брат Ице...