На Клиниката за нефрологија целосно реновирани одделите за интензивна нега, трансплантација, дијализа и васкуларни пристапи, објави министерот за здравство, Венко Филипче!

Извршено е комплетно реновирање на интензивниот оддел, како и одделите за хронична и акутна дијализа, одделот за трансплантација на бубрег, како и одделот за васкуларни пристапи.

Набавена е и нова медицинска опрема и со ова значително е унапреден квалитетот на здравствената заштита, имајќи предвид дека оваа клиника е единствена установа во државата која третира најкомплексни пациенти со бубрежни заболувања, потенцираше Филипче!

Филипче вели дека е подготвен планот за надградување на капацитетите на болниците за есенските месеци. 16 болници ќе добијат монтажна амбуланта и мини одделение. Ја зајакнуваме инфраструктурата, медицинската опрема, лабораториите и кадарот.