Некогаш плачев за љубовта, денес плачам за мојата иднина! Живеев во свет каде на прво место беше мојата љубов кон сите околу мене, убаво ми беше !

Верував во мојата прекрасна замислена иднина.

Замислував свет , не живеев во реалноста, каде парите се она најглавното, арно викаат старите не веруваш се додека не почувствуваш  на своја кожа! Мислев дека моите дома не веруваат во мене ….Мислев дека не веруваат во она што јас можам да го докажам…Не сакав да пораснам бидејќи знаев ќе дојде овој ден кога ќе мислам на мојата иднина многу повеќе од колку на луѓето околу мене.

Можеби некој ќе ме свати погрешно но така е ! Многу повеќе мислам за иднината и се плашам. Се плашам не сакам да завршам со врзани раце, сакам да докажам дека вредам иако сум Ромка ! Знам дека јас можам и по секоја цена ќе го докажам тоа.

Можеби прерано размислувам за тоа како после но го правам тоа бидејќи се плашам за мојата и иднината на моите деца ! ДА така премногу размислувам за иднината и не очекувајте да кажам ….остави времето да си го направи своето….можеби тие зборови се уште ги кажувам како совет кога е во прашање љубов.

Но такво нешто во мојата иднина не постои ! Тоа што сакам ќе се борам да го добијам…. тоа што го замислувам ќе го добијам !

Имам силна желба и….само силна желба ! Тоа и ми останува…..желбата ! Знам дека ” патот до успехот е полн со трње.

Треба прво убаво да се избоцкаш за да го добиеш тоа што го посакуваш ” По патот по кој до сега чекорев боцките беа мали но сега дојде она грубото каде нема помош каде што не може никој да те дигне во облаци …..СУРОВАТА РЕАЛНОСТ ! Ме боли тоа што го слушнав од устата на моите родители….Но тоа не значи дека тоа е доволна пречка да застанам ….

Ова пречка можеби е најголема , но не и нај доволна за да ме спречи да продолжам …Ова е мој поттик да продолжам да чекорам, кон она што навистина го сакам!Можеби до вчера мислев дека без љубовта си никој и ништо плачев за некој што ми значи но денес сфатив дека себе си си се сакам повеќе, денес сфатив дека мојата иднина не зависи од никој друг освен од мене…Да плачев за љубовта денес плачам за иднината……

И не дека после ова љубовта не ми е важна, баш напротив сега ми е потребна љубов поддршка и разбирање од сите ,пријатели , родителите, и љубовта на мојот живот !

Денес сум решена приоритет да и дадам на она што ме исполнува да продолжам до целта, која сега ми се гледа недостижна оваа пречка не е доволна да ме сопре.

Јас ќе продолжам да се искачувам кон целта бидејќи зборот “DOWN” во мојот речник НЕ ПОСТОИ !!!