„Некст Тајм” допре до срцето на секој Македонец, па и до претседателот Ѓорге Иванов.

По најголемиот успех со најновата песна “Нешто ќе те питам бабо”, членовите на дуото “Некст Тајм”, допреа до секое Македонско срце, а денес беа на гости кај Претседателот на Република Македонија Ѓорге Иванов.

“Огромна чест е што денеска имавме можност да бидеме гости кај претседателот на Република Македонија, д-р Ѓорге Иванов, и да зборуваме на многу теми.
Свесни дека не секој и секогаш има можност да седне на иста маса со него, така што веруваме дека овој момент ќе остане вечно во нашите сеќавања.”

Пред неколку денови во Драмскиот театар во Скопје, братското дуо „Некст Тајм“ по пауза од две години го промовираше видеото за својата нова песна, која е преработка на добро познатата „Нешто ќе те питам бабо“.

Спотот е правен на режија на Огнен Шапковски кој успеа да направи едно од најдобрите видео записи кои до сега ги имаме видено на македоската естрада. Директор на фотографија е Кристијан Теодоров, Улогите се одиграни од Стефан Јакимовски, Ивана Гелева, Каја Шопковска, а покрај нив браќата Мартин и Стефан Филиповски. Женскиот вокал го пее младиот талент Викторија Чочороска.

„Нешто ќе те питам бабо“ е најновата преработка на „Некст тајм“ со 275.000 прегледи за два дена, постигна рекордна слушаност во Република Македонија.