Најголемиот удар за нас дојде од Министерството за култура. Како организатори на фестивалот сме изненадени и револтирани од одлуката на Комисијата при Министерството за Култура.

Објавил: Рејхан Бајрами | 10 февруари, 2019 11:01

Нема пари од владата за Македонскиот фестивал “Андерфест”. Организаторите револтирани

Фото/Текст извор: ©онлине магаѕин

Организаторите на фестивалот „Андерфест“, кој оваа година треба да се одржи за првпат, велат дека се изнервирани од одлуката на Министерството за култура да не им додели средства. Тие викаат дека од Министерството не добиле никакво објаснување зошто се одбиени и сега фестивалот останал без најнеопходнита поддршка.

Претседателот Бојан Трпевски напомена дека фестивалот требаше да се одржи од 5 до 7 април, за кој е прв и единствен тридневен фестивал на кој ќе настапат исклучиво изведувачи од Македонија. Тој мисли дека во ваквите манифестации и културата не треба да се има место за политика, национализам и партиски определби. Ова за сите е крајно непрофесионално.

Во продолжение на текстов ви ја пренесуваме реакцијата од претседателот на Здружението на граѓани за организирање на културно уметнички активности „Андерфест“ – Скопје, Бојан Трпевски:

Со сета почит кон сите други фестивали, артисти и културно уметнички работници, како организатори на фестивалот „Андерфест“ кој за прв пат треба да се одржи оваа година, чуствувавме потреба да го дадеме нашето видување на неодамнешните настани поврзани со селективното доделување на финансии од страна на Министерството за култура.
Фестивалот „Андерфест“ е планирано да се одржи од 5-7 Април 2019 година. Фестивалот е прв и единствен тридневен фестивал на кој ќе настапат исклучиво изведувачи од Македонија.

Имено, веќе една година наназад напорно работиме на организација на фестивалот и со гордост можеме да се пофалиме дека на него веќе се потврдени да настапат преку 40 изведувачи кои несебично и без двоумење прифатија да бидат дел од фестивалот што само докажува колку овие изведувачи се желни за настап и промоција.

Исто така извршивме и извршуваме низа дејства со цел што подобро да го промовираме настанот, како гостувања на телевизии, радија, веб медиуми и сл и сметаме дека настанот ќе го разбуди интересот на публиката и очекуваме голема посетеност а имајќи го во предвид фатот дека влезот за сите настани е бесплатен можеме слободно да кажеме дека сме сигурни дека настанот ќе биде посетен.
Здружението „Андерфест“ е формирано од ентузијасти, вљубеници и почитувачи на македонската алтернативна сцена кои несебично ги вложуваат својот труд и време за организирање на овој настан а се со цел збогатување на културната програма во градот и државата и промоција на овие млади и надежни артисти се со цел истите да се мотивираат да продолжат со својата работа.

Најголемиот удар за нас дојде од Министерството за култура. Како организатори на фестивалот крајно сме изненадени и револтирани од одлуката на Комисијата при Министерството за Култура со која не е доделен ниту еден денар за овој фестивал.
Имено најуредно аплициравме на годишниот конкурс за финансирање на проекти во делот музичка и музичко сценска дејност и сметаме дека ги исполнуваме сите услови кои беа предвидени во Конкурсот. Не ни беа доделени никакви средства без никакво образложение и крајно криминално фестивалот остана без најнеопходната поддршка.

На кому воопшто може да му пречи организирање на тридневен фестивал посветен исклучиво на македонски артисти, не сакам да нагласам, но морам да кажам дека на Андерфест ќе настапат изведувачи од сите националности што е ирелевантно кога станува збор за музика и култура но гледаме дека се фаворизираат одредени националности па затоа и го напомеуваме истото.
Како Министерството за култура ќе ги стимулира сите оние кои како „Андерфест“ сакаат да започнат нешто ново нешто прогресивно, нешто што е од општ интерес?

Наместо да се поттикне вакво нешто макар со минимален износ (кој нам би ни значел премногу) вакви манифестации сакаат да се сотрат уште во самиот зародиш. Во културата не смее да има место за политика, национализам и партиски наредби.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

Народниот правобранител известува дека ќе бидат отворени сите седум канцеларии на Народниот правобранител во: Скопје, Битола, Кичево, Куманово, Струмица, Тетово и во Штип

Бесплатна телефонска линија за пријавување повреда на избирачкото право

Во недела, на денот на шестите претседателски избори по ред во канцеларијата на Народниoт...

На полноќ започнува молкот во цела Македонија за претседателските но  и предвремените локални избори во општините Охрид, Дебар и Ново Село и почнува изборниот молк.

Завршува кампањата на претседателските кандидати, од полноќ започнува предизборен молк

Денеска на полноќ завршува кампања за шестите претседателски избори по ред кои ќе...