Во образложението на партискиот потпретседател се навело дека Мијалков ги посетувал и дома пратениците од ВМРО - ДПМНЕ со убедување да ги поддржат уставните измени

Објавил: Мирко Бачиќ | 23 октомври, 2018 6:11

Николоски со детали како Мијалков, Тодоров и Јанчев помагале на Заев

Фото/Текст извор: ©online/магазин.мк

Еден од позвучните говори на синоќешниот ЦК го имал потпретседателот Александар Николоски кој истакнал дека потребно е да се стави крај со матното минато на партијата и луѓето кои се најодговорни за тоа.

Николоски рекол дека има луѓе кои се материјалисти и идеалисти. И додека едни се бореле за идеали за време на владеењето на ВМРО – ДПМНЕ, други се бореле за зголемување на своето лично богатство, и заштита на својот капитал.

Додека ВМРО – ДПМНЕ се соочуваше со тешки моменти, одење во опозиција, лица како Сашо Мијалков во исто време го зголемуваа својот капитал, добиваа удел во хотел, променуваа сопственост во земјоделски задруги, формираа компании и акции во банки. И практично се доведе во ситуација едните да се бориме да го одржиме ВМРО – ДПМНЕ на власт затоа што силно верувавме дека постојат идеали, и дека се соочуваме со зло како СДСМ и Заев а тие другите се бореа за власт само да го заштитат своето лично богатство и личен комодитет и затоа прават се сега за да себе си се заштитат вклучително и коалиции со оние против кои ВМРО – ДПМНЕ жестоко се бори, СДСМ. – рекол Николоски.

Николоски на своите сопартијци им открил детали за тоа како Сашо Мијалков и помагал на власта да обезбеди двотретинско мнозинство во Собранието.

Токму лицето Сашо Мијалков во изминатиот период посетуваше дома пратеници од ВМРО – ДПМНЕ, заедно со луѓе, кои со себе носат и работи кои не се својствени за нормални луѓе и вршеше агитирање да го поддржат договорот. Дел се уплашија, а дел и не потклекнаа. Тие што на прва одбија, веднаш беа обработени со заштитен сведок, а една пратеничка која не е опфатена со случајот 27 или со СЈО а која гласаше за уставните промени “сосема случајно” е во роднинска врска со Мијалков. – им рекол Николоски на сопартијците.

Тој на сопартијците им кажал дека токму идеалистите биле репресирани во изминатиот подолг период во партијата дури и биле разрешувани од партиските органи, додека другите си ги зацврстуваа позициите и ределе свои луѓе за материјално да се обезбедат

Сето тоа се редеше под тепих, и се надевам дека тоа никогаш во иднина нема да се случи. ВМРО – ДПМНЕ не може да има хипотеки и дека тој камен кој ја влече надоле партијата треба да се отфрли. – им порачал Николоски на сопартијците.

Николоски на Централниот Комитет направил разлика и помеѓу луѓето кои кодошат, и пренесуваат информации.

Според неговите тврдења лица во Брисел пренесувале погрешни информации дека наводно раководството на ВМРО – ДПМНЕ правело притисоци врз пратеници да не гласаат за уставните измени, наместо да одлучат по свое лично убедување.

На тој начин овие луѓе се правдале себеси правдајќи се себе си дека немаат успех во убедувањето да гласат пратениците спротивно од волјата на граѓаните, нешто што е тотална лага. – рекол Николоски.

Николоски својот настап го завршил со предлог да се предложи до општинските комитети да поведат постапка за исклучување на Тодоров и Мијалков и дека секогаш во минатото партијата расчистувала со кадрите кои работеле против политиките на партијата и дека тоа е она што мора сега да го направи партијата.

Предлогот на Николоски бил едногласно усвоен.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

На вечерашната дебата на МТВ, претседателот на ВМРО-ДПМНЕ, Христијан Мицкоски, во однос на ситуацијата со коронавирусот истакна дека Македонија е убедливо рекордер по бројот на загубени животи од коронавирусот споредбено со земјите во регионот, заради калкулантскиот однос на Заев и Филипче!

МИЦКОСКИ: ВМРО-ДПМНЕ предложуваше мерки уште во февруари месец, но власта брутално ги одбиваше

Убеден сум во голема победа на ВМРО-ДПМНЕ но не сакам да калкулирам со бројки туку повеќе...

Лидерите на најголемите политички партии во земјата претходно ги спротивставија ставовите на ТВ Канал 5 и на ТВ 24 вести.

ЌЕ ГИ ИЗМЕРАТ СИЛИТЕ: Заев vs Мицкоски вечерва од 20.15 ч. на МТВ 1

Ова ќе биде трет ТВ дуел на Заев и Мицкоски пред предвремените парламентарни избори! Вечерва...

Според Села, предлогот на ДУИ излегол по анкетите на ИРИ, според кои, како што кажа Села, ДУИ бил зад Алијанса за Албанците.

Села за МИА: Али Ахмети и ДУИ се факултативни, сезонски Албанци!

Али Ахмети и ДУИ се факултативни Албанци, сезонски Албанци. ДУИ преку предлогот Албанец...