Во соопштението на полицијата се наведува дека возилото врз кое биле фрлени пиротехнички средства се наоѓало на статичен пункт поставен за спречување на прекуграничниот шверц во таа област.

Објавил: Мате Парлоф | 16 април, 2022 17:03

НОВ НАПАД ВРЗ КОСОВСКАТА ПОЛИЦИЈА НА ГРАНИЦАТА СО СРБИЈА

Фото/Текст извор: ©магазин.мк/24.мк

Косовската полиција соопшти дека рано утрово се случиле две нови експлозии во близина на полициско возило во месноста Шарпеј, близу Јариње во северно Косово, на границата со Србија.

Во соопштението на полицијата се наведува дека возилото врз кое биле фрлени пиротехнички средства се наоѓало на статичен пункт поставен за спречување на прекуграничниот шверц во таа област.

Од увидот на местото на настанот е забележано дека на стаклата на возилото останало парче хартија, за кое се претпоставува дека потекнува од пакувањето на пиротехничките средства. Настанот се случил на место во близина на територијата на Србија, така што постои основано сомневање дека средствата се фрлени од српска територија. Полицијата била во извидување на илегален премин кој е затворен од пред извесно време, а кој се користел за шверц на стоки, се вели во соопштението.

Во настанот нема повредени лица, ниту материјална штета. Полицијата спроведува истрага и порача дека „ќе ги продолжи оперативните активности за спречување на прекуграничниот криминал во таа област и за гарантирање на безбедноста на сите граѓани“.

Ова е петти напад врз полицијата на границата со Србија во последните четири дена.

Министерот за внатрешни работи на Косово, Џељаљ Свечља на вонредна прес-конференција вчера информира дека две возила на косовската полиција, кои превезувале полициски службеници на граничен премини во северно Косово, биле нападнати вчера наутро со рачна бомба и со калашников.

Свечља информира дека последните три дена во таа област се случиле четири напади врз косовската полиција, и тоа еден со поставување метални ланци со шилци на националниот пат кој води кон границата, вториот со фрлање камења кон полициско возило, а синоќа и утрово со огнено оружје.

Косовскиот премиер Албин Курти изјави дека, според информации добиени од владини извори, нападите се извршени од српска територија и го повика официјален Белград да ги осуди и да се дистанцира од нив.

Канцеларијата на Европската унија и амбасадата на САД во Косово ги осудија нападите врз косовската полиција, и повикаа „да се избегнат шпекулациите кои можат да доведат до натамошно подигање на тензиите“ во државата.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Косово

Од Владата се бара да ги преземе неопходните активности за да спречи кршење на суверенитетот и уставниот поредок на Косово!

Косово усвои Резолуција против одржување на српскиот референдум

Со 76 гласа пратениците во косовското Собрание неодамна ја усвоија Резолуцијата против...

По денешната акција на косовската полиција на четири локации во Косово, премиерот Албин Курти рече дека акцијата е во насока на спречување на нелегални активности, додавајќи дека нема да се толерираат криминалци и криминални групи.

Немири во Косово: Вучиќ се закани дека ќе ги згази косоварите

Александар Вучиќ пртетседателот на Србија, изјави денеска, за време на разговорите...

Таа изрази надеж дека Косово наскоро ќе се снабди и со хеликоптери, кои на ФСК ќе му послужат и за спасување човечки животи во вонредни ситуации.

Во Косово пристигнаа 55 oклопни возила, донација од САД

Во најголемата косовска касарна, „Адем Јашари” денеска беше одржана свеченост по...

Според одлуката донесена на денешната седница на косовската Влада, исто така се скратува работното време на угостителските објекти, кои наместо до 22.30, во нардиниот период ќе можат да работат до 21 часот и 30 минути, и тоа само на терасите и со користење на 70 отсто од капацитетите.

Косово воведе полициски час, влез во земјата со тест или сертификат

По зголемениот пораст на бројот на починати и новозаразени од Коид-19 во последните...