Државниот јавен обвинител Љупчо Коцевски во интервју за „360 степени“ на МРТ 1 обелодени дека обивнителството работи на повеќе предмети поврзани со Електрани на Македонија“, РЕК „Битола“ и случаи поврзани со набавка на енергенти.

„Еве првпат ќе ви соопштам дека во моментов Основното јавно обвинителство Битола работи на шест постапки за тендери. Плус работи и на други, за други постапки за набавка на јаглен, мазут и така натаму, што значи дека има доста работа. Се прибираат докази. Во еден дел активирани се и МВР и БЈБ со нивното Одделение за сузбивање на криминалот, така што во скоро време очекувам и таму да имаме резултати“, кажа Коцевски.

МВР со кривични пријави против 23 лица во акцијата „Адитив“ за злоупотреба и перење пари

Овие предмети ги води обвинителството во Битола зошто причината за тоа е што потенцијалните кривични дела се случиле на територијата која ја покрива тоа обвинителство. А најголемиот енергетски капацитет на таа територија е РЕК „Битола“.

Васко Ковачевски во друштво на Груби и Бајрами – распишана меѓународна потерница и по него

Во истрагата позната во јавноста како случај „Адитив“ осомничени се 23 лица кои учестувале во набавката за адитиви за потребите на РЕК „Битола“ и ТЕЦ „Осломеј“ и кои истите биле плаќани неколкукратно поскапо и речиси не се ни употребувале. Има сомненија дека адитивот предизвикал и штета на машините, таму каде што бил употребен. Истрагата се отвори по новинарски истражувања на ИРЛ.