Сопругата на актуелниот американски претседател, Меланија Трамп блескаше на божиќната вечера во Флорида.

Првата дама на САД, ги засени присутните со елегантен црн фустан кој ги означи и истакна нејзините совршени облини.

Носеше високи црни салонки и сребрен скапоцен ѓердан. Познатиот пар угости пријатели и роднини во приватниот ресорт Мар-а-лаго во Палм Бич, Флорида.

Меланија Трамп е првата дама на САД. Пред да се омажи за претседателот Доналд Трамп во 2005 година, таа работела како модел.

Родена е во градот Ново Место во Словенија, тогаш позната како Социјалистичка Република Словенија во рамките на Југославија.

Таа станала постојан жител на САД во 2001 година, а добила државјанство во 2006 година.

Трамп е првата натурализирана американска граѓанка која станала прва дама, а втора прва дама која е родена во странство, првата е Луиза Адамс која е родена во Лондон.

Првата дама на САД, Меланија Трамп неодамна на социјалните мрежи обелодени како е украсена Белата куќа.

Оваа година пораката е „Биди најдобар“, а во декорацијата доминираат светилки и украси во бела боја. Секако, не се исклучени и црвената и сината.

Меланија се облече во комплетно бел стајлинг, кој подразбираше бел плетен фустан што ја следеше витката линијата на телото и бела наметка.