Резултатите од анкетите можат да се објавуваат најдоцна пет дена пред денот определен за одржување на вториот круг

Објавил: admin@magazin | 30 април, 2019 9:23

Од ноќеска на полноќ не смее да се објавуваат анкети за изборите

Фото/Текст извор: ©магазин.мк

Медиумите од ноќеска на полноќ не може да објавуваат резултати од испитувањата на јавното мислење поврзани со учесниците во изборниот процес за избор на претседател на државата.

Ден пред одржувањето на изборите гласаат и избирачите кои на денот на гласањето се наоѓаат на издржување мерка куќен притвор, но тие имаат да се пријават до ОИК рок до утре – 1 мај .

Според Роковникот на Државната изборна комисија, резултатите од анкетите можат да се објавуваат најдоцна пет дена пред денот определен за одржување на вториот круг од претседателските избори и вонредните локални во две општини.

На 27 април истече рокот во кој избирачот кој не е во можност да гласа на гласачкото место – немоќно или болно лице, а сака да гласа, можеше за тоа да ја извести Општинската изборна комсија, со цел да може да го оствари своето право на 4 мај ден пред одржувањето на изборите.

Најдоцна до утре Државната изборна комисија треба да го достави изборниот материјал до општинските изборни комисии, кои, пак, имаат рок до 4 мај да го достават до избирачките одбори.

Учесниците во изборната кампања треба да го поднесат финансиски извештај до ДИК, ДЗР и ДКСК за вториот круг од изборите најдоцна до 24 часот на 4 мај, доколку не учествуваат во него.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.