Со сегашната здравствена состојба, унгарскиот здравствен систем е подготвен да се бори против вирусот корона во текот на 2021 година, изјави денеска премиерот на Унгарија, Виктор Орбан.

Кризата нема да заврши пред крајот на 2021 година“, рече Орбан, пренесува агенцијата МТИ.

Тој додаде дека може да има нешто полесни периоди по првиот круг на вакцинација и дека ситуацијата ќе се подобри по масовната вакцинација, „но ќе требаат уште 12 месеци за работите да се вратат во нормала“.

Орбан го ангажираше Золтан Јенеј, од Универзитетот во Печ, како директор на новото тело за борба против вирусот корона, а тој ангажираше уште четворица заменици.

Премиерот на Унгарија им се заблагодари за преземањето одговорност во најтешките моменти.