Османи: Македонија ќе го преземе претседавањето со ОБСЕ од 1 јануари!

Министерот за надворешни работи Бујар Османи на својот Фејсбук профил посочи дека почнувајќи од 1-ви јануари, па во следните 12 месеци, Македонија ќе го преземе претседавањето со ОБСЕ.

„Дали знаевте дека ОБСЕ е најголемата безбедносна организација во светот со 57 држави кои претставуваат 1,3 милијарди луѓе на три континенти.

Почнувајќи од 1 јануари, во следните 12 месеци, Македонија ќе го преземе претседавањето со оваа извонредна организација, а јас сум привилегиран да ја преземам улогата на претседавач со ОБСЕ со седиште во Виена“, пишува Османи.