Лидерот на Сириза, Алексис Ципрас, преку социјалните мрежи објави дека неговиот син Орфеас е позитивен на Ковид-19, односно како што напиша „коронавирусот денеска го посети и нашиот дом“, јави дописничката на МИА од Атина.

Осумгодишниот син на поранешниот грчки премиер, синоќа имал благи симптоми, денеска се тестирале сите, а според резултатите, Ципрас, неговата партнерка и помалиот син се негативни, додека пак поголемиот е позитивен.

Лидерот на СИРИЗА, паралелно превентивно ќе биде во карантин, бидејќи како што објасни, иако ги прими двете дози од вакцината, сепак нема стекнато целосен имунитет.

-Сигурен сум дека сè ќе биде во ред, напиша поранешниот грчки премиер на крајот од неговиот пост на Фејсбук.