На Заев не му држи да оди кај соедите, се плаши да не го прашаат за оставката-

Објавил: Македонка Димкин | 4 ноември, 2021 13:30

ОТВОРЕН БАЛКАН: НА ГРАНИЦИТЕ ПАК СЕ ЧЕКА ПО 24 ЧАСА

Фото/Текст извор: ©политика

НА ГРАНИЦИТЕ ПАК СЕ ЧЕКА ПО 24 ЧАСА, ИТНО МОРА ДА СЕ СРАБОТИ ТОА ШТО ГО ДОГОВОРИВМЕ, КАЖАА ВУЧИЌ, РАМА И ДИМИТРОВ

На граничните премини меѓу Македонија, Србија и Албанија и понатаму транспортерите чекаат и по 24 часа за да ја минат границата. Ова како што рекоа претседателот на Србија Александар Вучиќ, премиерот на Албанија Еди Рама и вицепремиерот Никола Димитров не смее да се случува бидејќи иницијативата „Отворен Балкан“ е токму за да се олесни движењето на луѓето, стоките и услугите.

„Целата бизнис заедница од трите земји кажа дека сто проценти ја поддржува оваа иницијатива, но она што ние лидерите сме го договориле не се остварува. На граничните премини и понатаму се чека. Оние кои извезуваат млеко од Србија или овошје и зеленчук од Македонија и понатаму чекаат 24 до 30 часа на границите. Фрустрира дека тоа што сме го договориле не се реализира и сега почнуваме да работиме тоа да се исправи. Ќе се работи секој ден, 24 часа на ден и во сабота и недела. Ова не го правиме за нас политичарите, туку за граѓаните“, рече Вучиќ.

Вицепремиерот Никола Димитров кажа дека ваквата иницијатива и соработка покажува и докажува дека овој регион не создава проблеми туку соработува.

„Оваа иницијатива ја изразува длабоката посветеност за унапредување на развојот на нашите земји и директни придобивки за граѓаните. Постои силна и јасна политичка волја, а од нашава средба денес очигледно е дека постои и прифаќање на оваа иницијатива од стопанските комори. Следните чекори треба да бидат насочени кон интензивирање на јавната дискусија за ‘Отворен Балка‘ и конкретизирање на оваа доверба на ниво на надлежните институции и испорачување на опипливи резултати во утврдена временска рамка“, кажа Димитров кој во Белград отпатува наместо премиерот Зоран Заев кој по поразот на локалните избори во неделата кажа дека дава оставка од премиер и лидер на СДСМ.

На состанокот беа усвојување на заклучоци за преземање на конкретни мерки и активности во насока на реализирање на поставените цели односно операционализирање на слободното движење на луѓето, преку меѓусебно признавање на компетенциите и работните дозволи, укинување на граничните контроли за слободно движење на стоки, дигитална трансформација, зајакнување на енергетските капацитети, заемно справување со несреќи и природни катастрофи, проширување на туристичките понуди и бенефиции во регионот. За таа цел, предложено е да се формира независно тело за мониторинг кое што јавно ќе известува за имплементирањето на обврските од иницијативата „Отворен Балкан“ и ќе ги следи ставовите на граѓаните за искористувањето на придобивките.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Балкан

Прво соопштија немало знаци на насилство, доволно да му се даде време да избега убиецот

Обвинителот Бубевски за убиството на Тот: Немаше намера за прикривање, збрката настана поради лоша медицинска проценка

Сè уште се трага по човекот кој прв го удрил ракометарот, вели шефот на Основното јавно...

Српскиот претседател Александар Вучиќ ѝ се обрати на јавноста синоќа по повеќечасовната седница на Советот за национална безбедност.

Вучиќ: Ни спремаат замка нарекувајќи нè руски слуги

Српскиот претседател Александар Вучиќ ѝ се обрати на јавноста синоќа по повеќечасовната...