Претседателот на Советот, Трајко Славески, за Топ тема изјави дека ако се потврдат сомневањата за упад на Арсовска во процесот, може да побараат и интервенција на правосудните органи. ВМРО ДПМНЕ до сега не побара оставка од градоначалничката, но нејзината работа ја оценува со „далеку под очекувањата“.

Објавил: Македонка Димкин | 15 септември, 2022 16:51

Откако ви го фатив “директорчето со рачето во медот“ не чинам а до вчера бев најдобриот градоначалник на Скопје

Фото/Текст извор: ©Telma

Притисок, компромитација, манипулации и рачиња во мед“!

Ова е дел од вокабуларот на седницата за советнички прашања, која потврди дека градоначалничката Данела Арсовска ја изгуби поддршката од ВМРО ДПМНЕ.

Советникот Луке Галевски ја нападна дека го компромитирала проектот за изградба на пречистителна станица за Вардар вреден 160 милиони евра, а таа возврати дека тоа се лаги и дека Христијан Мицкоски се крие и заканува, но никогаш нема да излезе од тендер-матрицата.

Арсовска рече дека во ВМРО ДПМНЕ има чесни луѓе, но Мицкоски не е еден од нив.

Градоначалничката не даде конкретен одговор, но Галески ја праша како протекла информацијата за тендерската понуда пред да биде отворена.

Европската инвестициска банка синоќа соопшти дека од почетокот се почитуваат условите и обврските за исплата на средства за Проектот за пречистување на отпадната вода во Вардар.

„Обидите да се ревидира стратегијата за набавки без соодветно оправдување може да предизвика одложување на набавката“, објаснува банката.

Арсовска го разреши директорот на Водовод и канализација, Златко Перински, поради самоволие и влијание токму врз овој тендер, а тој ја обвини дека побарала смена на членовите на евалуационата комисија, што не било одобрено од банката-кредитор.

Претседателот на Советот, Трајко Славески, за Топ тема изјави дека ако се потврдат сомневањата за упад на Арсовска во процесот, може да побараат и интервенција на правосудните органи. ВМРО ДПМНЕ до сега не побара оставка од градоначалничката, но нејзината работа ја оценува со „далеку под очекувањата“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Претседателот на клубот Атанас Мазнев вели дек овој напад не е случаен, бидејќи претходно им се откажувале договорите за закуп, а проблем имаат и со сегашниот објект.

Во Охрид се отвора ново бугарско здружение, во Благоевград оштетен Македонскиот културен центар

Македонските клубови во Бугарија повторно се мета на вандали. Овој пат од македонскиот...