Охрид блеска! Охрид исполнет за новогодишните празници (фото)!

Објавил: Сара Петреска | 31 декември, 2022 13:52

Охрид исполнет за новогодишните празници (фото)

Фото/Текст извор: ©ohridnews

Охрид исполнет за новогодишните празници со бројни домашни и странски гости.

Зголемена раздвиженоста се бележи во чаршијата, на градскиот кеј, но и на сообраќајниците.

Хотелските капацитети на охридско-струшката ривиера за Новогодишните празици според најавите делумно се исполнети, додека помалите сместувачки капацитети, станови и апартмани се целосно исполнети.

За дочекот на Новата година и годинава најголем број од гостите се од соседните држави, Бугарија, Србија, Албанија, но и од земјава.

За Охриѓани и гостите кои овие празнични денови се во Охрид подготвена дводневна новогодишна програма која почнува денес напладне со настап на хорот при КУД „Гердан“ на градскиот плоштад. На истата локација од 13 до 15 часот ќе се одржи новогодишната театарска претстава „Дружината на Дедо Мраз“ и мјузиклот „Трите прасиња“.

Вечерва со почеток во 20:00 часот на плоштадот ќе настапат естрадните уметници Петар Нечески, Татјана Стефаноска, Ѓоко Танески, Ефто Пупиноски, Миле Кузманоски и Диџеите Багзи и Јана Slayy.

Новогодишната програма продолжува на 1-ви јануари точно напладне со настап на Марија Савеска и групата „Камелеон“ на градскиот плоштад, како и проектот „И повторно Евергрин“ кој ќе го изведат Лидија Кочоска – вокал, Влатко Груевски – вокал и Андреа Наунов – пијано и вокал.

Градоначалникот на Општина Охрид, Кирил Пецаков 2022 година ја оценува како успешна.

Предизвикувачки само по себе е да бидеш градоначалник на Охрид, град со голема традиција и град во кој многу треба да се работи за да се смени сликата и перцепцијата генерално за повеќе работи, а секако и за она кое за нас е основна работа коешто го нудиме и живееме сите на еден или друг начин, а тоа е туризмот. 2022 со сите предизвици и проблеми ќе ја оценам како добра година за оваа локална самоуправа и успешна, и за мене секако, и се надевам дека 2023 ќе ни донесе само подобри моменти и уште многу многу реализирани проекти за граѓаните на Општина Охрид, вели Пецаков.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Одмор

Монако е име на државата и на единствениот град во државата. Оваа држава е позната по ниските даноци, па така богати странци сочинуваат околу 84% од населението.

МОНАКО – земјата со најмногу милијардери!

Монако е популарно живеалиште кај милијардерите, па така земјата стана водечка во...

Заев и Филипче својата професионална релација ја префрлија и на приватно ниво, па сега често може да се видат заедно како возат мотори, заедно одат на скијање во Швајцарија, возат мотори.

Заев и Филипче заминаа за Дубаи, преку Истанбул

Заев и Филипче заминаа за Дубаи, преку Истанбул! Екс-премиерот Зоран Заев, заедно со...