Од Универзитетот нагласуваат дека студентите знаеле дека студиските програми биле во фаза на реакредитација, постапка која е техничка а ресорното министерство ја влечело цела година

Објавил: Мирко Бачиќ | 13 септември, 2018 9:40

Охрид: Се запишале на факултет кој не постои

Фото/Текст извор: ©online/магазин.мк

Универзитетот за информатички технологии „Свети Апостол Павле” во Охрид без акредитации запишувал студенти.

Универзитетот извисил 47 студенти, на дваесетина дена пред почетокот на студенската година. Идните академски граѓани дознале дека практично се запишале на непостоечки факултети, за кои Универзитетот до овој момент нема акредитација.

Родителите крајно револтирани велат дека недозволиво е на овој начин да се поигрува со иднината на нивните деца кои избрале да студираат на два факултети во склоп на универзитетот, за кои беше објавен редовен конкурс.

Запишаните студенти во државна квота, на Факултетот за комуникациски мрежи и безбедност, како и на Факултетот за комјутерски науки и инжинерство сега не можат да студираат на избраните студии.

Пред самиот почеток на академската година, откако уредно биле запишани и примени на избраните факултети, во последен миг, во петокот од Универзитетот им било кажано дека за наведените факултети нема акредитација.

Студентите сега немаат избор, мора да се запишат на Факултетот за информациони системи, визуелизација, дигитална мултимедија и анимациска техника.

И додека родителите бараат од министерството итно да преземат мерки за да можат разочараните деца да студираат на избраните факултети, од универзитетот нагласуват дека во самиот конкурс имало забелешка со која кандидатите се информирале кои од програмите се очекуваа да бидат повторно реакредитирни што е формална постапка од техничка природа која ресорното министерство ја влече една година.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Образование

За матурата годинава се пријавени вкупно 15 553 ученици, од кои 7 692 се од гимназиско образование, 7 604 од средното стручно и 257 од средното уметничко образование.

Утре се полага првиот од трите испити од државната матура

Во текот на утрешниот ден 1 јуни, од 10 часот е закажано првото полагање на тестот...