Композиторката Ана Пандевска, која гостуваше во емисијата Отворена на Алфа, реагираше на скандалозната распределба на средствата во Годишната програма на Министерството за култура. 

Зошто, едноставно, овие членови на комисијата кои не се согласуваат со скандалозната распределба на парите, не одбија и не си заминаа од ова тело, прашува композиторката Ана Пандевска.

„Денови на македонската музика“ е планирано да се отвори на 6 април со гости од Австрија , но што ќе се преземе ќе зависи од одговорот на министерот за култура. 

Роковите за поднесување жалби и времето потребно за разгледување на истите ја стават под знак прашање реализацијата на традиционалниот фестивал “Денови на македонска музика“ кој оваа година се одржува во 42. пат.

-Составот на комисијата само го потврдува фактот за отсуство на знаење на тие кои одлучуваат за тоа што значи едно културно-уметничко обележје за една држава. За да бидат дел од комисијата тие луѓе треба да се сериозно инволвирани во уметничките кругови. Ако во овој случај некои повисоки инстанци влијаеле врз одлуката кој ќе ги добие парите, тогаш таа комисија, или нејзините членови, не ги спречува никој да си заминат од позициите и јасно да кажат дека не сакаат да се дел од вакви распределби, додава Пандевска.