Најексклузивните и најквалитетните вина на оваа винарница ќе се служат на свечениот ручек што ќе се организира во чест на папата.

Објавил: Рејхан Бајрами | 3 мај, 2019 17:59

Папата Франциск на свечениот ручек ќе пие Македонско вино. Еве за кое станува збор !

Фото/Текст извор: ©онлине магазин

За време на посетата во Скопје, на Папата Франциск ќе му бидат послужени македонски вина на винарницата „Стоби“.

И покрај тоа што папата Франциск ќе биде послужуван со ексклузивни вина од винарницата Стоби, винарницата обезбеди и подароци за папата како и за останатите членови на високата делегација кои ќе присуствуваат на свечениот ручек во Скопје.

Роден е на 17 декември 1936 година во Буенос Аирес. Дипломирал на Теолошкиот факултет во Сан Мигел, a во родната Аргентина предавал и работел на ширење на верата. За кардинал бил избран во 2001 година. Работел на подобрување на угледот на црквата која загубила многу верници, бидејќи отворено не застанала против диктатурата во Аргентина во 70-те години од 20 век. 

Освен Светиот Отец на свечениот ручек ќе присуствуваат и кардинали, бискупи и други високи гости. Најексклузивните и најквалитетните вина на оваа винарница ќе се служат на свечениот ручек што ќе се организира во чест на папата.

Во негова чест ќе се служат едни од најквалитетните вина на винаријата „Стоби“ од кои дел освоиле светски награди, односно белото вино „р’кацители“, розе вино „розе алегро“, црвеното вино „аминта“ и десертното вино „роксана“.

 

 

Винаријата Стоби се наоѓа во централниот дел на Македонија, во најпознатото виногорје-Тиквешкото. Во Тиквешкото виногорје се засадени околу 12.000 хектари под винова лоза што претставува приближно една третина од вкупната површина под лозови насади во Македонија.

– Навистина сме почестени што Скопската Бискупија како дел од организаторите на доаѓањето на папата во Скопје ни ја дадоа нивната доверба и ги оценија вината на „Стоби“ како најдоброто од нашата земја со кои треба да се претставиме пред толку значајна личност како што е папата Франциск. Задоволството е огромно, особено затоа што се работи за историски настан кој е од огромно значење за земјава и целиот регион. Довербата што ни ја укажа Скопската Бискупија е само потврда дека нашите заложби да направиме вина со врвен квалитет даваат вистински резултат – велат од винарницата „Стоби“.

Франциск е поглавар на Римокатоличката црква и папа од 13 март 2013 година. Во редот на исусовците се приклучил во 1969 година. Франциск е 266. папа на Римокатоличката црква.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Манифестации

„Скопскиот џез фестивал“ и „Офф фест“ не се согласија со доделените сретства и по ревидирањето на годишната програма на Министерството за култура

Белопета: Наместо да испраќаме соопштенија за програма и организација, подготвуваме жалби!

Скопскиот џез фестивал објави статус кој го пренесуваме во целост: Во ревидираната...