Косовскиот парламент ги усвои законите кои овозможуваат трансформација на Косовските безбедносни сили во Вооружени сили на Косово.

Во Парламентот влегле и неколку идни војници.

Првиот закон што е усвоен се однесува на трансформација на КБС во Министерство за одбрана, а вториот закон се однесува на трансформација на КБС во вооружени сили.

Со усвојување, пак, на третиот законт формално правно е завршена процедурата за формирање косовска војска, пренесуваат српските медиуми.

Дописникот на РТС јави дека законите се донесени по скратена постапка и едногласно.

Српските медиуми денешниот ден за Косово и Србија го означија како „Денот Д“.

Истовремено припадници на КФОР се распоредени на мостот што ја дели Косовска Митровица на северен и јужен дел, додека хеликоптери на НАТО ја надлетуваат Приштина.

Српскиот претседател, Александар Вучиќ, во следните три дена ќе биде во копнената безбедносна зона.

САД и Германија го поддржаа формирањето на косовска војска, а ЕУ и НАТО се против, пишуваат српските медиуми.