Поднесено обвинение против Нефи Усеини и уште едно лице за дивоградба во Охрид

Фото/Текст извор: ©magazin.mk

По спроведената истражна постапка, Основното јавно обвинителство Охрид поднесе обвинителен акт против две лица за кривично дело бесправно градење согласно со член 244-а став 1 од Кривичниот законик.

Осомничените на возраст од 49 и 48 години, како соизвршители, на 27.7.2023 година, почнале да градат објект на нивно земјиште, без одобрение за градба издадено од надлежен орган. На постојниот објект во центарот на Охрид изградиле доградби од северната страна, во сутеренот, приземјето и на катот, проширувајќи ги со армирани бетонски плочи и столбови, по што продолжиле да го надградуваат објектот со две армирано-бетонски плочи, со кои ја зголемиле неговата катност, извести Обвинителството.

Против првиот обвинет во овој предмет се води судска постапка за уште едно бесправно градење во центарот на Охрид.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.