Поранешната шефица на СЈО,  Катица Јанева денеска со полициска придружба пристигна во Кривичниот суд на закажаното судење.

Таа заедно со своите стари пријатели со Боки 13 и Зоки Кичеец денеска за прв пат ќе седнат на обвинителна клупа за сличајот Рекет во која се осомничени за примање мито, злоупотреба а службена должност и перење пари.

Во октомври годинава Основното јавно обвинителство за гонење на организиран криминал и корупција на чело со Вилма Рускоска поднесе обвинение против Јовановски, Јанева и Милевски.

 
Како што соопшти Јавното обвинителство, првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“.  Второобвинета Јанева се товари и дека сторило и кривично дело „злоупотреба на службена положба и овластување“.

„Екс обвинителката и шефица на СЈО, Катица Јанева стои на ставот дека обвинителството за гонење организиран криминал и корупција нема докази дека го сторила кривичното дело за кое се гони, а тоа ќе го докажува во текот на судската постапка“, изјави вчера нејзиниот адвокат, Дељо Кадиев.

По викендот кој го помина во болницата 8 ми Септември Боки 13 вчера беше вратен во затворот во Шутка, со препишана соодветна терапија. Денеска тој како првоосомничен ќе седне на обвинителната клупа.