Ова е традиционално македонско јадење кое во оваа форма ретко е застапено на секоја трпеза, заради времето кое е потребно за да се приготви.

Овој зеленчук содржи многу мала количина калории, 17 калории на 100 грама, и како такво се препорачува во диетите за слабеење.

Освен тоа, тиквичката е природен диуретик, па во народната медицина се користи за исфрлање на излишната течност од организмот, а се верува дека го снижува холестеролот и ја прочистува крвта, а исто така ја подобрува и концентрацијата. Тиквичката содржи и значајни количини витамин Ц.

Состојки:

4-5 пошироки тиквички

500 г мелено мешано месо

1 главица кромид

5-6 чешниња лук1

50 г ориз Сончева долина

500 мл доматен сос

1 лажичка црвена пипер

1 рамна лажица мешан зачин

по потреба магдонос, црн пипер, масло

Подготовка:

Запржете го половина ситно исецканиот кромид со исецканото лукче. Додадете го меленото месо и испржете го. Додадете околу 150 мл сок од домати нека поварат некоја минута заедно. Кога сè ќе запржи, додадете црвен пипер, мешан сув зачин и црн пипер и зачини по желба (јас додавам и оригано). Додадете го оризот и ставете ја тавата на страна.

Тиквичките излупете ги и сечете ги на 3 дела. Отстранете ја внатрешноста на тиквичките и наполнете ги со мешавината на месо и ориз и покријте ги со парчиња свеж домат или оставете ги отворени. Ставете го полнетите тиквички во тава за печење. Остатоците од тиквичките ставете ги во нутрибулет заедно со останатата половина кромид и 2-3 чешниња лук, додадете доматен сос и измиксирајте.

Потоа ставете го овој микс во истото тавче каде што го пржевте месото, додадете малку масло и остатокот од доматниот сок и нека зовријат заедно. Истурете ја оваа мешавина над тиквичките. Додадете малку масло врз тиквичките и протресете ја тавата така што доматниот сос ќе навлези насекаде. Се пече во рерна на 250 степени околу 2 часа, се додека не се запечат тиквичките и доматниот сос не се згусни. Декорирајте со свеж магдонос после печење и сервирајте топло.