На денешното судење за случајот „Тарифа“ по три години затворска казна добија поранешниот директор на ЕЛЕМ, Дејан Бошковски, како и Методиј Стојменовски и Ненад Ѓорѓовски.

Судскиот совет им пресуди затворска казна за злоупотреба на службената положба и овластувања, однсоно поранешниот генерален директор Дејан Бошковски и двајцата ресорни директори во државната компанија АД ЕЛЕМ ја злоупотребиле службената должност. Тројцата обвинети ја оштетиле компанија за повеќе од девет милиони денари.

Поранешното раководство на АД.ЕЛЕМ,  му овозможило на конзорциумот, кој подоцна го добил тендерот, да се квалификува во втората фаза на преговарање при јавната набавка, иако немал доставено комплетна документација. 

За првата сума од над 400.000 евра осудените се ослободени, а Судскиот совет им пресуди за главната сума од над девет милиони денари.

Ѓорговски и Стојменовски треба да го обештетат АД ЕСМ, и тоа Ѓорговски 20 илјади евра и Стојменовски 30 илјади евра во рок од три месеци по правосилноста на пресудата.

Истрагата за овој случај  ја отвори СЈО во јануари 2017 година. Во овој случај Кривичниот суд ги прифати бомбите како докази во постапката.
Ова судење почна во декември 2018 година, кога тројцата обвинети се изјаснија дека не се виновни.

Инаку Дејан Бошковски е сопруг на Билјана Бришкоска-Бошковска, која е поранешна заменичка на министерот за правда, обвинета за изборни нерегуларности во предметот „Титаник“.