Велигденските јајца се обележје на големиот христијански празник Велигден. Јајцата се бојосуваат (вапцуваат) и се украсуваат во текот Велика недела (Страсна недела), најчесто на Велики четврток или Велики петок.

Во западните земји боењето на кокошкините јајца веќе застарува и се повеќе се користат јајца од чоколадо или пластични јајца се полнат со бонбони.

Има различни легенди за традицијата за вапцување јајца. Една од нив е дека кога Исус Христос бил распнат на крстот, една кокошка дошла и под него снесла јајце. Крвта од лицето на Исус капела врз него и го обоила во црвено.

Затоа и денес првото јајце се бојадисува во црвено, а потоа најстарата жена во семејството со него ги трие децата по образите или им исцртува крст по челата за здравје. Останатите јајца се обојуваат во различни бои и се цртаат. Сината боја ја симболизира непорочноста, виолетовата – крстот, зелената – Христовите ученици, а жолтата – самиот Бог. 

Бојосаните јајца обично се ставаат во кошница наполнета со слама така што наликува на птичјо гнездо.

Но и покрај естетиката, важно е да се води грижа и за здравјето.

– Купете чисти и неоштетени јајца;

– Најдобро е да ги варите 12 минути од моментот на вриење;

– Насликајте колку јајца колку што сте сигурни дека ќе се јадат, затоа што е голем грев да се фрли храна, особено велигденски јајца;

– Јајцата што се извалкани, излупени и без оштетена обвивка, стојат на собна температура неколку часа или извадени неколку пати од фрижидерот, треба да се јадат во рок од еден до два дена.