СМК со огорченост ја осудува агресијата на Софија врз Македонскиот народ, со флагрантно кршење на меѓународното право и грубо мешање во внатрешните работи на суверна и самостојна држава Македонија!

Објавил: Перо Милчин | 15 декември, 2020 7:38

ПРАВОТО НА САМООПРЕДЕЛУВАЊЕ НА МАКЕДОНСКИОТ НАРОД Е ПОД АГРЕСИЈА НА СОФИЈА СО ФЛАГРАНТНО КРШЕЊЕ НА МЕЃУНАРОДНОТО ПРАВО!

Фото/Текст извор: ©магазин.мк

Светскиот Македонски Конгрес (СМК) ја отфрла како измама, изјавата на министерката за надворешни работи на Бугарија, Екатерина Захариева за НОВА ТВ “Најголемата манипулација од Скопје е дека им го ускратуваме правото на самоопределување“, со цел да ја доведе домашната и меѓународната јавност во заблуда.

СМК со огорченост ја осудува агресијата на Софија врз Македонскиот народ, со флагрантно кршење на меѓународното право и грубо мешање во внатрешните работи на суверна и самостојна држава Македонија!

СМК потсетува дека правото на самоопределување на народите е универзално неприкосновено, неотстапно и неотуѓиво утврдено во членот 1 од Повелбата на Организацијата на Обединетите Нации! Никој никому не дава или одзема, ниту може да ограничи или дефинира право на самоопределување!

Правото на самоопределување и самоидентификација на Македонскиот народ е веќе апсолвирано со возобновувањето на државноста на Македонија во Втората светска војна на страна на антифашистичката коалиција!

СМК и’ укажува на бугарската министерка за надворешни работи Екатерина Захариева, дека идентитетот не е само народот и јазикот, правото на самоопределување не подразбира само право на име на народот и име на јазикот, туку името на државата е идентитетот на народот! Правото на самоопределување подразбира право на име, народ, држава, култура и историја во континуитет, а не во дисконтинуитет како што посакува Софија!

СМК декларира дека на Македонците не им треба софиското признавање на правото на самоопределување од 1944 година, со признание: До 1944 година сме биле Бугари, Македонскиот јазик е дијалект на Бугарскиот јазик, во Бугарија нема Македонци, во Втората светска војна Македонија не била под фашистичка бугарска окупација туку под бугарска администрација!

СМК потврдува дека Македонци не станавме од 1944 година како што Софија посакува: Наводно да ја признае реалноста од Македонски народ и јазик од 1944 година, под услов марионетската влада на Заев да прифати дека историјата до 1944 година и се’ во Македонија дотогаш било бугарско! Македонци сме отсекогаш засекогаш! Македонскиот јазик не постои од неговата кодификација во 1945 година како литературен Македонски јазик, тоа е чин на службеност на државноста, Македонскиот јазик постои милениуми пред 1945 година! Македонци сме, Македонски зборуваме во континуитет од пред нашата ера до денес! Македонската историја не познава дисконтинуитет! Ниту сме дошле од зад Карпатите со трска в уста преку Дунав, па затоа што ја населивме територијата на Македонија се нарековме Македонци за да не не’ поистоветат за Срби, Бугари или Грци! Македонци сме затоа што отсекогаш засекогаш сме овде во Македонија и затоа што како Македонци ја нарековме нашата земја Македонија! За оваа вера на Македонците не им треба цертификат од Белград, Софија, Атина или Тирана, од Брисел и Стразбур!

Македонците по род и државјанство, од сите делови на Македонија, во светот и татковината, го отфрлаат бугарскиот хегемонизам и Санстефанска Голема Бугарија од 3 март 1878 година, во чии рамки би била Македонија, која никогаш не постоела, ниту ќе постои!

Тодор Петров

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Колумна

На мое големо изненадување, во коментарот на владата на Зоран Заев, што го пренесува државната новинска агенција МИА, нема директно и јасно отфрлање на овој текст.

Ќе прифатите ли да бидеме бугаромакедонци?! Пендаровски? Заев? Ало другарчиња, изјаснете се!

Бугарите можат да си мислат и да прават што сакаат, но ние Македонците не можеме и не...

Затоа што тоа е право на самоопределување, тоа е чувство. И не постои договор кој што го договара начинот на тоа како се чувствувам, и каков јазик ние зборуваме. И на крајот, тоа е европска вредност.

ЖИЦАТА И ПРАШИНАТА НА ЗАЕВ ИЗГУБЕНИ ВО ВРЕМЕТО И ПРОСТОРОТ

ЖИЦАТА И ПРАШИНАТА НА ЗАЕВ ИЗГУБЕНИ ВО ВРЕМЕТО И ПРОСТОРОТ! Вели Заев, во Ресен, на 5...