Пронајдено машко тело во Вардар – се сомнева дека е на 22-годишниот кумановец!

Тело е пронајдено во водите на реката Вардар, во просторот паралелно со касарната „Еребина“ во Желино.

Полициски извори за ТВ21 велат дека најверојатно станува збор за трупот на 22-годишното момче од Куманово кое пред неколку дена излета со возило во водата, но се уште не можат официјално да потврдат без целосна идентификација.

„Пронајденото тело е машко. Се очекува по наредба на обвинител телото да биде извадено од вода и по идентификација заедно со членовите на семејството Обвинителот да одлучи дали ќе се изврши обдукција или не“, изјави за ТВ21 портпаролот на СВР-Тетово Фатмир Реџепи.

Дваесет и двегодишен кумановец пред 5 дена паднал со автомобил „голф 4“ во реката Вардар, во тетовско Желино.