Голо бебе старо само еден ден оставено во парк во скопската населба Топанско поле.

Бебето било оставено во паркот до булеварот Македонско Косовска Бригада. До него била и папочната врвка, за среќа случаен минувач го слушнал плачот на детето и веднаш пријавил кај надлежните.

Бебето со возило на Брзата помош било веднаш сместено во Клиниката за детски болести каде веднаш го нахраниле и го стоплиле.

– Се работи за машко новородено, со родилна тежина 2.400 гр, згрижено е на одделот за неонатологија, неговата здравствена состојба е добра, превземени се сите неопходни мерки за вакви случаеви, соопштија од Клиниката за детски болести.

Исто така од Клиниката соопштија дека заедно со полицијата работат на откривање на идентитеот на неговата мајка и  ги откриваат причините зошто бебето е оставено во парк на милост и немилост.

Исто така од Клиниката за детската болница соопштија дека бебето ќе биде сместено во семејство кое ќе се грижи за него.