Во „Јавна соба“ минатата година ова време беа регистрирани околу 7.000 корисници кои си разменуваа експлицитни фотографии од девојки од Македонија, некои и малолетни кога минатата година полицијата наводно ја згасна групата на Телеграм за што пишуваше и „Слободен печат“.

Според последните објави на Фејсбук групата е повторно активна, и го прави истото: размена на експлицитни фотографии, профили од социјални мрежи, лични податоци, адреси и броеви од девојки но овој пат меѓу 5.600 членови на групата.

Полицијата и овој пат е известена но се уште нема официјално соопштение од МВР дека ставиле крај на ваквите злоупотреби и ги пронашле сторителите.

Како што објави Сител, 22-годишна девојка била предупредена од пријател дека нејзина фотографија од Фејсбук се нашла во групата, а објавени биле уште две експлицитни од девојка која многу наликува на неа.

Полицијата работи на расчистување на случајот.