Трагедија го потресе регионот откако вчера трагично загина познатиот српски рапер Далибор Андонов Гру, кој животот го загуби во спортска несреќа кај Земун.

Денеска на социјалната мрежа„Фејсбук“ беше споделено видео за кое се верува дека ја прикажува несреќата и последните моменти на раперот.

Инаку српскиот рапер Далибор Андонов, познат под уметничкото име Гру, загина вчера во близина на Наутичкиот клуб „Земун“, откако спортувал на вода.

Како што пренесуваат српските медиуми, тој загинал околу 15,30 часот, а од водата го извлекле неговите пријатели.

Веднаш била повиката медицинска помош, но лекарот констатирал смрт на лице место.  Тој загина на своја 47 годишна возраст.

Гру во 90-тите стана еден од најпознатите рапери со хитовите „Бичу ту“, „Петак“, „Срце“, „Доста ми је свега“…

Гру своето последно интервју го даде за Телеграф.рс каде зборуваше колку го сака адреналинот и екстремните спортови.

-Заљубен сум во сноубординг уште од првиот ден кога застанав на даска, далечната 1996 година. Во тоа време би менувал пет летувања за едно зимување. Но, во 2005 година го открива кајтот. Од тогаш не поминува ни ден, а да не погледнам некое видео за кајт или фотографија од летувањето, раскажувал Гру.

Тој додал дека обожава адреналин и покрај сноубординг и кајт, скокал и од авион и имал и други спортски авантури.

– Пред некој ден зборував со еден другар, кој познаваше еден тип кој загина во несреќа. Не можеш да доживееш несреќа, а да не загинеш, рече неодамна Гру.