Во оваа колективна трагедија да покажеме национално единство во тагувањето и највисоко ниво на самосвест.

Емпатијата во оваа најдлабока тага сега е најважна, а сензационализмот само ја поткопува социјалната кохезија на општеството, апелираат психолозите за денешниот ден на кој испративме 59 млади сограѓани во вечноста.

Според психологот Кеверески, тагувањето има повеќе фази и е потребно време да се работи со семејствата, блиските и сите настрадани граѓани од катастрофата во Кочани.

Оваа колективна трагедија ја чувствуваат и децата и најстарите, да дозволиме достоинствено да ја истагуваме како општество, покажувајќи емпатија и солидарност,  препорачуваат психолозите. Во пружање на целосна психолошка помош и поддршка се вклучија и Клиниката за психијатрија како и Комората на психолози.