Вчеравечер се одржа 35-тото издание на фестивалот Макфест во Штип, а за прв пат на отворено на Градскиот плоштад “Слобода”.

Во добро расположение, публиката со маски и растојание од еден метар, ужуваше во безвременските хитови во изведба на Дарио, Џокси, Џафер, Лидија Кочовска, Трајче Манев, Ристо Самарџиев, Олгица Христовска.

Публиката и организаторите преку видео порака ги поздравија фронтменот на групата “Поп дизајн” и Хелена Благне. На овогодинешното издание, организаторите оддадоа почит на починатиот музичар и водител Драган Вучиќ кој годинава ја загуби битката со коронавирусот. Песните кои Драган ги има напишано и денеска живеат, а една од нив е безвременската Свирете ја Зајди Зајди….

Вечерва е финалната и натпреварувачка вечер а на сцената ќе настапат многу изведувачи, меѓу кои: Пере и Нокаут, Драган Спасов – Дац и Александар Митевски, Биба Додева, Димитар Андоновски, Ѓоко Танески и неколку други.