Вооружен напаѓач отворил оган на геј клуб во американскиот град Колорадо Спрингс, пренесуваат американските медиуми.

Оваа информација ја потврди и полицијата, додавајќи дека повеќе детали ќе бидат објавени по истрагата.

Клубот Кју, каде што се случило пукањето, се рекламира како „ноќен клуб за лица од геј и лезбиска ориентација“.

Снимката објавена на социјалните мрежи покажува голем број полициски возила пред клубот и амбулантни возила наредени долж улицата.

Некои медиуми јавуваат дека напаѓачот го почнал нападот со истрели од снајпер.

Неколку часа по хоророт, полицијата во Колорадо Спрингс потврди дека во престрелката во клубот загинале пет лица, додека други 18 се повредени.