Црвениот крст на Грција информира дека огнената стихија само во населбата Мати што е поширок дел на Атина во источниот дел на областа Атика по себе оставила 26 јагленосани тела на жртви меѓу кои има и деца.

Информациите од теренот говорат дека телата се најдени во неколку групи што значи дека лицата се знаеле меѓу себе и дека сеуште е рано да се одреди идентитетот но дека станува збор за мажи и жени на различна возраст но и деца.

Спасувачките екипи претпоставуваат дека жртвите тргнале кон морето кое е на 30 метри оддалеченост но дека поради големината и јачината на пламенот не успеале во намерите. Екипите по информации од населението и теренот очекува оваа бројка до крајот на денот да се искачи до 50 жртви.

Премиерот Ципрас кој беше во посетна на Федерацијата Босна и Херцеговина веднаш се врати во Грција.