Од ИЈЗ посочуваат дека се очекува пораст на активноста на вирусот и достигнување пик на сезоната на грип во текот на следните недели.

Објавил: Катерина Крстиќ | 23 јануари, 2020 16:12

Регистрирани 1.100 заболени од грип- меѓу нив и четири деца

Фото/Текст извор: ©магазин.мк

Во периодот од 13 јануари до 19 јануари во државава се регистрирани 1.100 заболени од грип. Во споредба со минатата недела тоа е зголемување за 88,7 отсто кога беа регистрирани 583 заболени, се наведува во извештајот што денеска на својата веб страница го објави Институтот за јавно здравје (ИЈЗ).

Од ИЈЗ посочуваат дека се очекува пораст на активноста на вирусот и достигнување пик на сезоната на грип во текот на следните недели.

Во вирусолошката лабораторија на ИЈЗ, како што се истакнува, пристигнати се 40 материјали за тестирање на грип. Од тестираните материјали, 20 (50 отсто) се позитивни за присуство на вирусот на инфлуенца – кај 12 е детектиран тип А (кај пет A/H1pdm, кај четири A/H3 и кај тројца несубтипизирани), а осум се со инфлуенца тип Б.

Во споредба со истиот период од минатата сезона (n=2.327), постои зголемување на вкупниот број на пријавени случаи за 16,8%, а во однос на моделот од последните 9 сезони (n=4.909) се регистрира намалување од 44,6%.

Како и во претходните, така и во 3-та недела најголем број случаи (n=689; 62,6%) се пријавени во најголемата возрасната група – лица од 15-64 години, додека највисока инциденца од 106,7/100.000 жители е регистрирана кај најмалите, децата на возраст од 0-4 години (Графикон 2).

Оваа недела пријавени се случаи од 23 извештајни единици, од кои во 10 извештајни единици е инциденцата е над неделната граница на сезонската активност. Најголем број случаи се пријавени од подрачјето на ЦЈЗ Струмица (n=218), додека највисока инциденца е регистрирана на територијата која ја покрива ПЕ Дебар (I=569,3/100.000 жители) со 158 пријавени случаи.

Во 13 извештајни единици кои пријавија случаи во текот на оваа недела се регистрира многу ниска активност, во 7 е регистрирана сезонска (ниска), во 2 – Струмица и Радовиш – средна и во една – Дебар се регистрира многу висока активност на вирусот на грип.

Од Универзитетската Клиника за детски болести известуваат дека во моментов се хоспитализирани четири деца со симптоми на грип.

Децата, како што посочуваат, се на возраст од една до седум години и меѓу нив нема тешко болни, ниту во животозагрозувачка состојба.

Во сезоната 2019/2020, вкупниот број заболени од грип изнесува 2.718.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравство

Починати се 9 лица, пациент од Виница (70г), двајца пациенти од Струмица (по 67г), еден пациент од Охрид (48г), од Гостивар (64г), двајца пациенти од Тетово (70 и 71г) и двајца од Куманово (68 и 77г).

Девет починати и 143 нови случаи на коронавирус во Македонија

Во последните 24 часа се направени 1504 тестирања, а регистрирани се 143 нови случаи на...

Починати се 5 лица, пациент од Скопје (51г), од Дебар (68г), од Крива Паланка (58г), Радовиш (71г) и пациент од Кочани (66г). Сите се починати во болнички услови.

Пет починати, нови 183 заболени од Ковид19 во Македонија!

Во последните 24 часа се направени 1769 тестирања, а регистрирани се 183 нови случаи на...

Починати се 5 лица, пациент од Тетово (53г), од Гостивар (60г), од Прилеп (57г), од Струга (60г) и еден пациент од Битола (60г).

ЦРНА БРОЈКА: Починаа уште 5 лица како последица од корона вирусот во Македонија!

Во последните 24 часа се направени 1618 тестирања, а регистрирани се 88 нови случаи на ковид-19! Починати...

Горд сум на целиот тим од Институтот за трансфузиона медицина, за нивната професионалност затоа што кај нас не се случи да има недостаток на крвни единици. Имаме вредни здравствени работници. Да се гордееме со нив, потенцира Филипче!

Над 28 илјади дарувања на крв се реализирани од почетокот на оваа година

Директорот на Институтот за трасфузиона медицина доктор Садула Усеини за ,,Слободен...