Д-р Венко Филипче е еден од ретките министри кон кого имам почит и разбирање, независно од пропагандата која успева да наметне принцип на негативна селекција во кадровската политика – успева професорите како стручњаци во области да ги држи/исфрли од креирање политики на нормалност, стручност и професионализам во општеството желно за промени, пишува на сицијалните мрежи македонската политичарка  и поранешен министер за труд и социјална политика на Македонија, Фросина Ременски!

Д-р Венко Филипче го ценам зошто е докажан, признат и одличен хирург.
Јас него не го гледам како човек од политиката (политичар), туку како човек од фелата кој го познава системот во кој што професионално функционира со сите свои предности и маани.

Ги познава своите колеги, професори, лекари, институционалниот капацитет и можностите. Само човек што го познава системот со кој управува може да биде добар менаџер и лекар.

Затоа е различен, поинаков – затоа што знае, а не учи допрва; Затоа што за работата е најден човекот (стручњакот), а не на човекот да му е најдена работа, како што бива во политиката.

Барањето на негова оставка во овој период на здравствена и безбедносна (лична, колективна) криза е акт на саботажа и во ниту еден случај не може да се спореди со министерувањето на сезнајкото од катастар до министер за се – Никола Тодоров. Не споредувајте рид и дол.

Знам дека стручњаците многу тешко ги преживуваат политичките/партиските тролања, неоснованите критики, дезинформациите и наменските пропаганди.
Знам дека така е и со д-р Венко Филипче.
Но, исто така знам дека, тоа за него е уште поголем мотив да го даде најдоброто од себе и своето знаење, да не задржи поспокојни во ова извитопетено општество во кое лагата и невистините менуваат правилни текови на нормалност.

Тоа е како на војник во битка да му кажете да се повлече, да ги остави соборците сами и на повлекување да загинат сите.

Не сакам да замислам во ова време на пандемија да имавме за министер импровизатор што ќе парадира и ќе се слика (колку да го има), наспроти ваков министер стручњак кој знае да ви влее верба и сигурност кога и самиот е мотивиран од предизвикот пред кој и тој лично е исправен како лекар и научник.

Венко Филипче ја има поддршката од сите што знаат што е струка и ука.
Подршката ја има целиот медицински персонал кој во ова време на Ковид 19 се бори за секој живот, вели Ременски!