Ова е 101-от освоен турнир во кариерата на Федерер, од тоа 28 од серијата „мастерс 1000“ и тоа во 50 финалиња, а во Мајами славеше по четврти пар, по 2005, 2006 и 2017 година.

Објавил: Перо Милчин | 31 март, 2019 22:00

Роџер Федерер во Мајами ја освои 101-та титула во кариерата!

Фото/Текст извор: ©онлине / магазин

Швајцарецот Роџер Федерер е победник на АТП турнирот во Мајами, откако во финалето го совлада бранителот на титулата Американецот Џон Иснер со 6:1 и 6:4 за само час и три минути игра.

Роџер Федерер во првиот сет трипати му го одземаше сервисот на Иснер, додека кон крајот на вториот сет Американецот почувствува болка во колкот што го оневозможи нормално да сервира во последниот гем од дуелот кога Федерер оствари „брејк“ со кој го заврши финалето.

Ова е 101-от освоен турнир во кариерата на Федерер, од тоа 28 од серијата „мастерс 1000“ и тоа во 50 финалиња, а во Мајами славеше по четврти пар, по 2005, 2006 и 2017 година.

Роџер Федерер e професионален швајцарски тенисер, кој успеал да остане на АТП листата рекордни 237 последователни недели, а вкупно повеќе од 310 недела, што исто така претставува рекорд. Од 3 март 2019 тој е рангиран на четврти место од страна на Асоцијацијата на тениските професионалци (АТП). Многу тениски критичари и негови колеги, го сметаат за најдобар тенисер на сите времиња.

Федерер е рекордер по бројот на освоени титули на Гренд слем турнирите, 20 (6 на Отвореното тениско првенство на Австралија, 1 на Ролан Гарос, 8 на Вимблдон и 5 на Отвореното тениско првенство на САД). Тој исто така има освоено и 15 турнири од АТП Мастерс серијата, 4 турнири од Мастерс серијата и златен медал во игра на двојки, заедно со Станислас Вавринка на Летните олимписки игри – 2008, одржани во Пекинг.

Федерер држи и многу други рекорди, меѓу кои најзначајни се 10 последователни учества во финалните мечеви на Гренд Слем турнирите (од Вимблдон 2005 до Отвореното првенство на САД во 2007), како и 20 последователни учества во полуфиналните мечеви на Гренд Слем турнирите (од Вимблдон 2004 до денес).

Тој, исто така е и тенисерот со најголем број на победи на трева (65) и тврда подлога (56) во историјата на отворената ера во тенисот. Со победата на Ролан Гарос во 2009, Федерер стана шестиот тенисер кој победил на сите 4 Гренд Слем турнири.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Тенис

Двајцата тенисери како да ги чуваа силите на стартот, во очекување на долга борба за титулата, па започнаа резервирано.

МАЕСТРО НОВАК ЃОКОВИЌ ГО СМАЧКА ФЕДЕРЕР ВО ФИНАЛЕТО НА ВИМБОЛДОН!

Новото маратонско финале на Вимблдон донесе победа за Новак Ѓоковиќ во дуелот со Роџер...

Халеп после само 11 минути игра водеше со 4:0. Финалето поради овој маестрален настап на Халеп и лошо издание на Серена траеше само 56 минути.

Симона Халеп ја растури Вилијамс и го освои првиот трофеј на ВИМБОЛДОН!

Симона Халеп е нова шампионка на Вимблдон! Симона Халеп денес со 2:0 во сетови ја победи...