Серија научници од Бугарија и Македонија до крајот на ноември треба да одлучат чиј национален херој е кралот Самоил, информираат медиумите во Бугарија.

Средновековниот владетел е една од историските фигури за чија националност расправаат двете држава.

Бугарските новинари веќе лиферуваат информации од владини службеници дека Самоил е веќе одобрен за бугарска историска личност, додека расправија сега се води чиј би бил Гоце Делчев.

Ова во своја изјава го најави и премиерот Заев:

Можеби спорот за тоа чиј цар е Самоил ќе остане нерешен, ова е нашата заедничка европска историја. Кога се навраќаме кон историјата, подобро е да ги гледаме можностите за обединување. – изјави претходно премиерот, Зоран Заев.

За крајот на ноември е закажана третата средба меѓу научниците од двете земји.

Тие треба да направат целосен преглед на учебниците по историја во Бугарија и во Македонија.

Експертите во оваа фаза од разговорите се обидуваат да ги идентификуваат настаните и личностите кои се дел од заедничката историја на двете земји и кои ќе можат заедно да се чествуваат.