Ова е седми триумф на Ѓоковиќ на Вимблдон, со што се израмни по бројот на триумфи со неговиот идол Пит Сампрас, додека Рожер Федерер има еден триумф повеќе.

Објавил: Сара Фемина | 10 јули, 2022 18:33

Седма титула за Новак Ѓоковиќ на Вимблдон

Фото/Текст извор: ©sloboden pecat

Новак Ѓоковиќ ја продолжува доминацијата на Вимблдон и со победата во денешното финале над Ник Кирјос во четири сета со 4:6,6:3,6:4,7:6 го крена шампионскиот пехар на последните четири изданија на најпрестижниот тениски турнир.

Ова е седми триумф на Ѓоковиќ на Вимблдон, со што се израмни по бројот на триумфи со неговиот идол Пит Сампрас, додека Рожер Федерер има еден триумф повеќе.

Ова воедно беше 21 гренд слем титула за Ѓоковиќ и повторно му се приближи на Рафаел Надал кој има 22 триумфи на најголемите тениски турнири, додека му избеда на Федерер кој остана на 20. Ѓоковиќ доминира во последните четири изданија на Вимблдон, пред Кирјос во финалињата губеа и Кевин Андерсон (2018), Рожер Федерер (2019) и Матео Беретини (2021).

Србинот во финалето беше подобар од Ник Кирјос кој конечно блесна на најголемите турнири и за прв пат играше во финале на гренд слем турнир.

Австралиецот се закани, но откако Ѓоковиќ го пронајде својот ритам, успеа да направи пресврт и на крајот да го крене шампионскиот пехар.

Мечот започна со сигурен сервис на двајцата тенисери, Ѓоковиќ во првиот гем му дозволи два поени на Кирјос, а Австралиецот возврати со иста мерка во вториот гем. Потоа следеа посигурни сервиси за 2:2, по што во петтиот гем првиот удар го зададе Кирјос.

Австралиецот одлично ретернираше и играше од основната линија и дојде до 15:40 и брејк топки. Ја искористи втората и поведе со 2:3, а потоа со нула потврди брејкот. Сигурен беше и во следните два гема на свој сервис, со тоа што во десеттиот гем ја искористи втората сет топка за 4:6.

На Ѓоковиќ веќе му стана традиција на Вимблдон, по загубен прв сет, да одигра одлично во вториот, па така беше и во финалето. Во четвртиот гем со нула направи брејк и поведе со 3:1 и предноста ја задржа до крајот за 6:3 и израмнување 1:1 во сетови. Во деветтиот гем тој уште еднаш го покажа шампионскиот карактер бидејќи успеа да се врати од 0:40, да спаси три брејк топки, потоа уште уште една и на крајот да го освои гемот.

И во третиот сет имаше само еден брејк и тој го направи Ѓоковиќ и тоа во деветтиот гем за 5:4 и на свој сервис го потврди брејкот и поведе со 2:1 во сетови.

Во четвртиот сет, и Кирјос и Ѓоковиќ сервираа најдобро дотогаш во мечот, гемовите завршуваа експресно, а најблиску до брејк беше Ѓоковиќ во петтиот гем кога освои само два поени на сервис на противникот. Со таква игра, очекувано беше сетот да замине во тај-брејкот.

Тај-брејкот започна со двојна сервис грешка на Кирјос, но и Ѓоковиќ греши на свој сервис за 2:1. Сепак, Србинот веднаш го натера Кирјос да погреши, ги загуби двата сервиси по ред и Ѓоковиќ поведе со 4:1 која не ја испушти и со 7:3 славеше во четвртиот сет, што воедно значеше и 21 гренд слем титула во кариерата и седма на Вимблдон.

Доколку во меѓувреме не се променат одлуките, Новак Ѓоковиќ нема да настапи на УС Опен бидејќи владата на САД не дозволува влез во земјата за странски државјани што не се вакциниран против коронавирус.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Тенис

Во интервју за „Би-би-си“ српскиот тенисер изјави дека тоа е цената што е подготвен да ја плати.

„Да, тоа е цената што сум подготвен да ја платам. Никогаш не сум бил против вакцините, ги примав како дете, но секогаш ја поддржував слободата да избираш што ставаш во вашето тело. Принципите на донесување одлуки за моето тело се поважни од која било титула или било што друго. Се трудам да бидам во склад со моето тело што е можно повеќе“, изјави Ѓоковиќ на таа тема и додаде:

„Мојот ум е отворен кога станува збор за можноста да бидам вакциниран во иднина бидејќи сите заедно се трудиме и ќе го најдеме најдоброто решение кога станува збор за борбата против Ковид. Повторувам, никогаш не сум бил против вакцинацијата и се надевам дека сите ќе го видат крајот на овој вирус многу брзо. Се обидувам да го задржам мојот ум отворен бидејќи сите се обидуваме да го најдеме најдоброто можно решение. Никој не сака да биде во оваа ситуација во која колективно сме две години. Јас сум дел од глобален спорт кој се игра секоја недела на различни локации. Ги разбирам последиците на својата одлука. Една од последиците е да не одам во Австралија, бев подготвен на тоа. Разбирам дека тоа што не се вакцинирам денес значи дека не можам патуваат на повеќето турнири“.

Ѓоковиќ: Нема да примам вакцина, ќе ги жртвувам трофеите

Најдобриот светски тенисер Новак Ѓоковиќ изјави дека не е „антиваксер“, но дека попрво...

Рафаел Надал, Роџер Федерер и Новак Ѓоковиќ имаат по 20 грен-слем титули, па на шпанскиот тенисер очигледно дека не му е сеедно дали Србинот ќе настапи на Австралија опен.

Надал: Австралија опен е голем и без Ѓоковиќ

Рафаел Надал повторно предизвика реакции со една своја изјава за Новак Ѓоковиќ чиј...