За в сабота, 22 јуни, во 11 часот е закажана седмата пленарна седница на Собранието на која како единствена точка на предлог-дневниот ред е изборот на новата влада во земјава.

Предлагач на составот на владата е мандатарот, пратеник и лидер на ВМРО-ДПМНЕ, Христијан Мицкоски.

Почнуваме офанзивно, граѓаните очекуваат брзи резултати!

До собранискиот спикер и до пратениците тој вчера го достави предложениот владин состав, како и програмата за работа на идната влада. Воочливо од предложениот владин состав, кој Мицкоски вчера повторно го обзнани и пред медиумите, е дека ќе има пет вицепремиери, иако се очекуваше тие да бидат четворица.

Мицкоски денеска во Собранието ќе го достави предлог составот за новата влада

Согласно собранискиот Деловник, седницата за избор на влада трае најмногу два дена. Мандатарот ја образложува програмата и предлог-составот на владата пред пратениците, по што во Собранието се води единствен претрес. Гласањето за избор на новиот владин состав се врши по завршување на претресот, најдоцна во 24:00 часот.

Мицкоски: Македонија ќе ја вратиме на народот

Владата е избрана ако за неа гласало мнозинството од вкупниот број пратеници.